គ្រាន់តែឃើញក៏រំភើប កុំព្យូទ័រ Koompi មកដល់ទឹកដីខ្មែរហើយ!

2018-10-18 08:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំព្យូទ័រ "គម្ពីរ” (KOOMPI) នឹងធ្វើការសម្ពោធជាផ្លូវការនៅថ្ងៃទី ២០ ខែតុលា ឆ្នាំ ២០១៨ នៅវិទ្យាស្ថានបច្ចេកវិទ្យាកម្ពុជា(ITC) ហើយពេលថ្មីៗនេះ វីដេអូថ្មីមួយបង្ហាញពីសកម្មភាពដឹកជញ្ជូនកុំព្យូទ័រកូនកាត់នេះ យកមកទុកដាក់ក្នុងឃ្លាំងរួចរាល់ហើយ។

ដោយទឹកមុខរីករាយ ក្រុមការងារកុំព្យូទ័រ "គម្ពីរ” បានរៀបចំផ្ទេរប្រអប់កុំព្យូទ័រពីកង់បីម្ដងមួយ ដោយប្រុងប្រយ័ត្ន។ ចំពោះចំនួនកុំព្យូទ័រ ៥០០ គ្រឿងដំបូងនឹងត្រូវដាក់លក់ក្នុងតម្លៃ ៣៦៩ ដុល្លារក្នុងមួយគ្រឿង។ កុំព្យូទ័រគម្ពីរ ដែលតម្លើងមកពីតៃវ៉ាន់នេះមានលក្ខណៈសម្បត្តិដូចជា បំពាក់ដោយ RAM ទំហំ 8GB (Minimum 4GB) ប្រើ CPU ល្បឿន 1.1Ghz ទំហំផ្ទុកក្នុងម៉ាស៊ីន 256GB SSD (Minimum 128GB) ប្រើ Core i3 ថាមពលថ្មអាចប្រើបានដល់ ៧ ម៉ោង។

ចង់ដឹងច្បាស់អ្នកអាចទស្សនាវីដេអូខាងក្រោមនេះ៖

បើសិនប្រិយមិត្ត ចង់ដឹងពីវិស័យ ឌីជីថល កាន់តែទូលំទូលាយ សូមកុំភ្លេចចូលរួមកម្មវិធី បាខែម អាស៊ាន (ដែលផ្ដោតលើការស្វែងយល់ពីបច្ចេកវិទ្យាឌីជីថល ក្នុងការបង្កើនល្បឿនកំណើន សេដ្ឋកិច្ចឌីជីថល ធ្វើឱ្យជីវិតកាន់តែប្រសើរ ជំរុញគំនិតច្នៃប្រឌិត និងជួយប្រព័ន្ធអេកូឡូហ្សី បច្ចេកវិទ្យា និងការចាប់ផ្ដើម អាជីវកម្ម ព្រមទាំងមានពិព័រណ៍បង្ហាញ ផលិតផលនិងសេវាកម្ម និងស្នាដៃសិស្សនិស្សិតកម្ពុជា) ក្រោមប្រធានបទ “Powering Your Future in Digital Era" នៅវិទ្យាស្ថាន បច្ចេកវិទ្យាកម្ពុជា (ITC) រាជធានីភ្នំពេញ នាថ្ងៃសៅរ៍-អាទិត្យ ទី ២០-២១ ខែ តុលា ឆ្នាំ ២០១៨ ខាងមុខនេះ។ ប្រជុំដោយវាគ្មិន ៧៥ រូប លើ ៨០ ប្រធានបទ។