ទំនាក់ទំនងដឹងឮដល់ចាស់ទុំ តែ សិទ្ធី នីកា និងមិត្តប្រុសជាសែរាជវង្ស បែរជាមិនច្បាស់រឿងរៀបការ

2018-10-25 02:39:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង សិទ្ធី នីកា បានបើកបង្ហាញចំណងស្នេហាជាសាធារណៈជាមួយគូស្នេហ៍ ដែលត្រូវជាកូនប្រុសរបស់សម្ដេចនរោត្តម ចក្សពង្ស ជាសែលោហិតរាជវង្សខ្មែរ។ ទោះទំនាក់ទំនងអ្នកទាំងពីរលែងលាក់លៀម រហូតដឹងឮដល់ចាស់ទុំទាំងសងខាង តែតួអង្គក្នុងរឿង "ឪពុកខ្ញុំ" បែរជាមិនច្បាស់លើដំណឹងរៀបការទៅវិញ។

តារាវ័យក្មេងរូបនេះ បន្តថា នាងមិនហ៊ានគិតលើរឿងរៀបការទេនៅពេលនេះ សូម្បីភ្ជាប់ពាក្យក៏ដូចគ្នា។ មូលហេតុ មិនមែនពួកគេមិនស្រលាញ់គ្នា ឬជាស្នេហាក្លែងក្លាយនោះទេ តែពេលនេះនាងចង់ផ្ដោតលើរបររកស៊ីលក់ផលិតផលតាមអនឡាញដែលទើបដំណើរការសិន។ ក្មួយស្រី អ្នកនាង ព្រំ រដ្ឋា បន្ថែមថា រឿងរៀបការមិនទាន់អាចនិយាយបានឡើយ ប៉ុន្តែបើមានដំណឹងជ័យមង្គល នាងនឹងបង្ហាញឲ្យទស្សនិកជនដឹង។

ចំណងស្នេហ៍អ្នកទាំងពីរទើបចាប់ផ្ដើមបាន១ ឆ្នាំ ដោយស្គាល់គ្នាចៃដន្យ ពេលទៅញ៉ាំអីជាមួយមិត្តភ័ក្ដិ។ រយៈ ពេលសេពគប់គ្នា នីកា ពិតជាពេញចិត្តអត្តចរិតមិត្តប្រុសរូបនេះខ្លាំងណាស់ ព្រោះលោកជាមនុស្សមានហេតុផល មើលថែទាំនាង ចេះនិយាយលេងសើច និងតាមចិត្តរបស់មិត្តស្រី ទើបធ្វើឲ្យ នីកា មានអារម្មណ៍កក់ក្ដៅពេលនៅក្បែរលោក។

ទាក់ទិននឹងរឿងរៀបការ បើសិនជាកើតឡើងពិតមែន ចំពោះសិល្បៈ នីកា នៅតែស្រលាញ់ហើយមិនបោះបង់ចោលឡើយ៕