រកឃើញរូបចម្លាក់អាថ៌កំបាំងជាច្រើន កប់ក្រោមផ្នូរអេហ្ស៊ីបអាយុកាលជាង ៤ពាន់ឆ្នាំ

2018-12-17 08:25:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្នូរអេហ្ស៊ីបបុរាណមួយដែលបង្កប់ទៅដោយរូបចម្លាក់មិនគួរឲ្យជឿជាច្រើន ត្រូវបានគេបើកក្រោយកប់ក្រោមដីអស់រយៈពេលជាង ៤៤ ០០ឆ្នាំ។

ការរកឃើញនេះ ត្រូវបានធ្វើឡើងនៅជិតបណ្ដុំប្រាសាទពីរ៉ាមីត Saqquara ជិតទីក្រុង Cairo ដែលជាកន្លែងបញ្ចុះសពមហាអាចារ្យកាលពីសម័យបុរាណ។ នៅក្នុងផ្នូរនេះ គេរកឃើញចម្លាក់អក្សរពណ៌ជាច្រើន រួមទាំងរូបចម្លាក់ផារ៉ាអុង និងរូបចម្លាក់របស់អាចារ្យក្នុងរាជវាំងឈ្មោះ Wahtye ជាមួយម្ដាយ និងប្រពន្ធរបស់ខ្លួន។ រដ្ឋមន្ត្រីបុរាណវត្ថុលោក Khaled al-Anani បានប្រកាសពីការបើកផ្នូរនេះ ដែលមានរូបចម្លាក់ថ្មសរុប ៤៥ចម្លាក់។

ជាមួយគ្នានេះ ក្រុមអ្នកបុរាណវិទូ នឹងចាប់ផ្ដើមជីកកាយផ្នូរបន្ថែមទៀតនាថ្ងៃស្អែក ដោយរំពឹងថានឹងរកឃើញវត្ថុអាថ៌កំបាំងជាច្រើនទៀត រួមទាំងការបើកមជ្ឈូសរបស់អាចារ្យ Wahtye ផងដែរ។ គួរឲ្យដឹងថា ក្នុងរយៈពេលប៉ុន្មានឆ្នាំចុងក្រោយនេះ អេហ្ស៊ីបបានជំរុញយ៉ាងខ្លាំងដល់ការរកឃើញបុរាណវត្ថុថ្មីៗទៅកាន់ប្រព័ន្ធផ្សព្វផ្សាយអន្តរជាតិ និងអ្នកការទូតដើម្បីទាក់ទាញភ្ញៀវទេសចរកាន់តែច្រើនមកកាន់ប្រទេសនេះ៕