កូនស្រីទោល យ៉ាន លីដា បង្ហើរសំនៀងស្រលាញ់អ្នកម្តាយ ពីរោះមិនចាញ់តារាអាជីព (មានវីដេអូ)
- 2018-12-17 10:00:39
- ចំនួនមតិ 0 | ចំនួនចែករំលែក 0
កូនស្រីទោល យ៉ាន លីដា បង្ហើរសំនៀងស្រលាញ់អ្នកម្តាយ ពីរោះមិនចាញ់តារាអាជីព (មានវីដេអូ)
ចន្លោះមិនឃើញ
ក្រោយមានបញ្ហាសុខភាបនិងការបាក់ទឹកចិត្តកន្លងមកទល់ពេលនេះ ឃើញកូនស្រីតែម្នាក់គត់របស់អតីតតារាចម្រៀង និង ជាពិធីការិនីអ្នកនាង យ៉ាន លីនដា ហាក់មានភាពស្រស់ស្រាយឡើងវិញ ឯសម្រស់ស្រស់ស្អាតមិនចាញ់ម្ដាយកាលពីក្មេងប៉ុន្មានទេ ។ ពិសេសលើសពីជា កូនស្រីអតីតសិល្បៈការិនីខាងលើ កំពុងតែទទួលបានការចាប់អារម្មណ៍ពីមហាជន បន្ទាប់ពីនាងបានបកស្រាយចម្រៀងមួយបទជូនអ្នកម្ដាយជាទីស្រឡាញ់មានទេកដមសម្លេងយ៉ាងពិរោះមិនគួរឲ្យជឿថា ហាក់ដូចជាអ្នកចម្រៀងអាជីពនិងមិនដែលបានលឺពីមុនមកថាកូនស្រីទោលរបស់អតីតតារារូបនេះចេះច្រៀងដែរសោះ។
ចំនែកបច្ចុប្បន្នអ្នកនាង យ៉ាន លីនដា និង កូនស្រីកំពុងរស់នៅប្រទេសអូស្ត្រាលី ហើយបទចម្រៀងមួយបទនេះ គឺកូនស្រីរបស់អ្នកនាងបានធ្វើការបង្ហោះនៅក្នុងបណ្តាញIGរបស់ខ្លួន ហើយមួយបទនេះបានបង្កប់នូវមនោសញ្ចេតនាបញ្ចាក់ពីក្តីស្រឡាញ់របស់កូនស្រីអ្នកនាងចំពោះម្ដាយដែលប្រឹងប្រែងតស៊ូធ្វើគ្រប់យ៉ាងដើម្បីកូន ទាំងបេលនាងឈឺនិងជាតាមជាកម្លាំងចិត្តកូនស្រីរហូត។ ពិសេសឃើញអ្នកនាងយ៉ាន លីនដា ក៏បានបង្ហាញអារម្មណ៍មានមោទកភាពទៅលើកូនស្រី Veronica យ៉ាងខ្លាំង ជាពិសេសពេលឃើញកូនស្រីសំណព្វចិត្តបកស្រាយចម្រៀងមួយបទនេះជូនខ្លួនព្រោះដូចអ្វីដែលអ្នកនាងធ្លាប់ប្រាប់ថាមិនចង់ឃើញកូនស្រីរបស់នាងរស់ក្នុងសភាពមិនសប្បាយចិត្តឡើយ ក្នុងនាមជាម្តាយមួយរូបដូចគេឯងកាលគ្រាកន្លងមក។
ពិសេសអានិយាយបានថាដោយសារតែមានឈាមជ័រឪពុកម្តាយជាអ្នកសិល្បៈស្រាប់ ទើបធ្វើឲ្យVeronica ដែលជាតំណក់ឈាមរួមគ្នារបស់អ្នកនាង យ៉ាន លីនដា និង អតីតស្វាមីលោក យ៉ែម សំអូន អាចមាននិស្ស័យច្រៀងចម្រៀងជាភាសាខ្មែរយ៉ាងពីរោះមួយបទក្រោមចំណងជើង «លើលោកនេះខ្ញុំស្រឡាញ់ម៉ាក់ខ្ញុំជាងគេ» ដើម្បីផ្ញើជូនអ្នកម្ដាយជាពិសេស ដែលពោរពេញដោយអត្ថន័យចាក់ដោតអារម្មណ៍អ្នកស្ដាប់ឱ្យរំភើបចិត្តមិនស្ទើរនោះទេ ស្ទើរតែស្រក់ទឹកភ្នែក៕
ចង់ដឹងថាពិរោះយ៉ាងណាមើលវីដេអូខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
