ភស្តុតាងទាំងនេះបង្ហាញថា Zayn Malik និង Gigi Hadid បែកបាក់គ្នាម្ដងទៀត?

2018-12-29 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីខែឧសភាឆ្នាំ ២០១៨នេះតារាចម្រៀង Zayn Malik និងតារាម៉ូដែល Gigi Hadid បានបង្កាត់ភ្លើងស្នេហ៍ជាមួយគ្នាម្ដងទៀត បន្ទាប់ពីបែកគ្នាមួយរយៈ ប៉ុន្តែថ្មីៗនេះស្រាប់តែមានឃើញកំណត់សម្គាល់ខ្លះៗបង្ហាញថាអ្នកទាំងពីរអាចនឹងបែកគ្នាម្ដងទៀតហើយ។

នេះដោយសារតែរូបថតរបស់ពួកគេនៅលើ Instagram ជាមួយគ្នាចុងក្រោយគឺតាំងពីថ្ងៃទី២១ខែតុលាមកម្ល៉េះ។ អ្វីដែលគួរភ្ញាក់ផ្អើលទៀតនោះគឺ Zayn ស្រាប់តែ Unfollow Gigi នៅលើបណ្ដាញសង្គម Instagram ទៀតផង។ សូម្បីតែនៅរដូវកាលគ្រីសម៉ាសក៏ Gigi មិនបានបង្ហោះរូបថតពួកគេជាមួយគ្នាផងដែរ ដូច្នេះអាចបញ្ជាក់ថាមានរឿងអ្វីមិនល្អកើតមានចំពោះអ្នកទាំងពីរ។

បើយោងទៅតាម Daily Mail តារាចម្រៀង Zayn មិនដែលបង្ហោះរូបថតមិត្តស្រីខ្លួនទេ ប៉ុន្តែពិតជា Unfollow Gigi Hadid ពិតប្រាកដមែន ខណៈដែល Gigi នៅបន្ត Follow Zayn នៅឡើយ។ អ្នកគាំទ្រពួកគេយ៉ាងច្រើនកំពុងតែព្រួយបារម្ភថាអ្នកទាំងពីរពិតជាបែកគ្នាពិតប្រាកដមែន។

គូសបញ្ជាក់ថាអ្នកទាំងពីរចាប់ផ្ដើមទាក់ទងគ្នាកាលពីឆ្នាំ ២០១៥ បន្ទាប់ពី Zayn បែកគ្នាជាមួយ Perry Edwards និង Gigi បែកគ្នាជាមួយ Joe Jonas។ កាលពីខែមិនាដើមឆ្នាំនេះ អ្នកទាំងពីរបានបែកបាក់គ្នាម្ដងរួចទៅហើយ ប៉ុន្តែក៏ត្រូវគ្នាវិញនៅខែឧសភា៕