Suzuki បន្ថែមអំពូល LED លើ NEX-II ២០១៩ ភ្លឺច្បាស់ងាយស្រួលបើកពេលយប់

2019-01-20 10:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Suzuki Nex II ស៊េរីថ្មី ២០១៩ បំពាក់មកជាមួយកម្លាំងម៉ាស៊ីន ១១៥ សេសេ រួមជាមួយប្រព័ន្ធបេនសាំង FI ដែលជាបច្ចេកវិទ្យាថ្មីរបស់ Suzuki គឺ SEP (Suzuki Eco Performance) ដែលជួយឲ្យម៉ាស៊ីនកាន់តែស៊ីសាំងតិចជាងមុន និងបានកែប្រែថ្មីបន្ថែមទៀតនូវអំពូល LED លើស៊េរីថ្មីនេះ ដើម្បីឲ្យម៉ូតូដ៏តូចនេះកាន់តែភ្លឺច្បាស់ និងងាយស្រួលក្នុងការបើកពេលយប់។

លក្ខណៈពិសេស NEX II ដូចជា៖

ក្បាលចង្កៀងរចនាបែបស្ព័រ និងមានមុខកាត់ជ្រៅ។
រូបរាងទាំងមូលថ្មី ចង្កៀងមុខ ស្តុបក្រោយ រចនាថ្មីមានពន្លឺភ្លើច្បាស់ជាងមុន។
ឆ្អឹងតួម៉ូតូជាប្រភេទដែកថែបស្វិត ធ្វើឲ្យការបើកបរមានលំនឹង និងស្ថេរភាព។
ម៉ាស៊ីនមានកម្ពស់ពីផ្ទៃដី 150 mm កម្ពស់កែបទាបល្មមងាយស្រួលបើកបរ។
ឃ្លុបក្រោមកែប និងហោប៉ៅមុខពីរ ធំទូលាយជាងមុនមានភាពរឹងមាំ។ ហ្វ្រាំងបូមមុខមានទំហំធំជាងមុន និងម័រឌីស័រក្រោយ បូមរឹងអាចធន់និងទម្ងន់ធ្ងន់។
កុងទ័រថ្មីបែបស្ព័រ បែងចែកមុខងារជាបីផ្សេងគ្នាគឺ សញ្ញាភ្លើងហ្វា ភ្លើងសញ្ញាបច្ចេកទេស និងភ្លើងសញ្ញាឆ្វេងស្ដាំ។
ប្រព័ន្ធសោរប្រភេទ Shutter Key មានគម្រប់ការពាសុវត្តិភាព និងមិនជ្រាប់ទឹក។
រង្វង់កង់ធំល្មម ប្រភេទកាំបន្ទះបួនកាំ អមជាមួយស្ទឹកគ័រព័ន្ធជុំវិញ។
ចំពោះតម្លៃគ្រឿង LED បន្ថែមមិនទាន់ត្រូវបានទម្លាយឲ្យដឹងទេ។

ក្រៅពីនេះ ក្រុមហ៊ុន Suzuki បានក្លាយជាអ្នកឧបត្ថម្ភផ្លូវការ (Sponsor) របស់ក្រុមបាល់ទាត់អាជីព Soltilo Angkor FC និងសាលាថ្នាលបាល់ទាត់នេះ រយះពេល៣ឆ្នាំគឺចាប់ពីឆ្នាំ ២០១៩ ដល់ ឆ្នាំ២០២១ ក្នុងគោលបំណងចង់ពង្រីកអតិថិជនវ័យក្មេងៗដែលមិនត្រឹមតែក្នុងទីក្រុងភ្នំពេញ ប៉ុន្តែតាមបណ្តាខេត្តក្រុងផងដែរ។

វាពិតជាមានសារៈសំខាន់ណាស់ដែលទទួលអតិថិជនវ័យក្មេងៗ បន្ថែមទៀតពិសេសអតិថិជនចំណូលថ្មីដោយសារពួកគេអាចប្តូរពីម៉ាកផ្សេងៗមកប្រើម៉ាក Suzuki នៅពេលដែលពួកគេពេញចិត្តពីគុណភាព និងជាប់ចិត្តលើសេវាកម្មរបស់ Suzuki៕