បុណ្យមាឃបូជា តារាច្រើនដួងកសាងកុសលបុណ្យតាមសទ្ធាជ្រះថ្លានៅវត្តអារាម

2019-02-20 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យមាឃបូជា នៅតាមទីវត្តអារាមម្សិលមិញ ពេញដោយពុទ្ធបរិស័ទជិតឆ្ងាយ មកសាងកុសលបុណ្យ ដោយសទ្ធាជ្រះថ្លា។ លើសពីនេះ គេសង្កេតឃើញមានវត្តមានតារាច្រើនរូប ចូលរួមផងដែរ ដូចជា កញ្ញា ឈិត សុវណ្ណបញ្ញា លោក អ៊ឹម ជីវ៉ា កញ្ញា ឌី សូនីតា លោក យ៉ារ៉ូ លោក អេឡិច ចាន់ត្រា កញ្ញា ឌី សុរះក្ខិតា កញ្ញា ស៊ិន យូប៊ីន កញ្ញា ជីជី កញ្ញា ឈិន រីយ៉ា កញ្ញា គៀត សុវណ្ណាឡាង។

១. កញ្ញា ឈិត សុវណ្ណបញ្ញា

២. លោក អ៊ឹម ជីវ៉ា

៣. កញ្ញា ឌី សូនីតា

៤. លោក យ៉ារ៉ូ

៥. លោក អេឡិច ចាន់ត្រា

៦. កញ្ញា ឌី សុរះក្ខិតា

៧. កញ្ញា ស៊ិន យូប៊ីន

៨. កញ្ញា ជីជី

៩. កញ្ញា ឈិន រីយ៉ា

១០. កញ្ញា គៀត សុវណ្ណាឡាង

បើតាម ភិក្ខុ លី ប៊ុណ្ណារិទ្ធ ជាព្រះគ្រូសូត្រស្ដាំនៃ វត្តព្រែកអំបិល ស្រុកស្អាង ខេត្តកណ្ដាល ការចូលរួមដើរដង្ហែជាក្បួន ក្នុងថ្ងៃបុណ្យ មាឃបូជា គឺជាការជួបប្រជុំគ្នាដ៏ធំ តាំងពីបុរាណកាល រហូតដល់បច្ចុប្បន្ន គឺដើម្បីរំលឹកគុណ ដល់សេចក្ដីល្អរបស់ ព្រះសម្មាសម្ពុទ្ធ ដែលព្រះអង្គបានបំពេញនូវពុទ្ធកិច្ចផ្សេងៗ ដោយយកថ្ងៃ១៥ កើតខែមាឃ ជាថ្ងៃជួបជុំ។

ចំពោះការដើរដង្ហែ មានពុទ្ធបរិស័ទស្លៀកសំលៀកបំពាក់ព័ណ៌ស ដើម្បីបង្ហាញពីភាពស្អាតសមរម្យ ក្នុងថ្ងៃពិសេសនោះ ហើយដង្ហែជាក្បួនដែលមានផ្កាភ្ញី គ្រឿងក្រអូប គ្រឿងសក្ការៈ នៅតាមដងផ្លូវនានា ដើម្បីពញ្ញាក់ស្មារតីដល់ពុទ្ធបរិស័ទនៅតាមស្រុកភូមិ។

តាមសង្ឃដីការបស់ព្រះគ្រូ លី ប៊ុណ្ណារិទ្ធ ពិធីបុណ្យមាឃបូជា ជាពិធីជួបជុំដ៏ធំមួយសម្រាប់ពុទ្ធសាសនា ឬហៅថា មហាមាឃបូជា ដោយមនុស្សទូទាំងប្រទេសបានឈប់សម្រាកពីការងារ ដើម្បីបើកឱកាសឲ្យ មានការជួបជុំគ្នា។ ហើយពិធីបុណ្យនេះ គឺប្រារព្ធឡើងសម្រាប់រំលឹកដល់កិច្ចសំខាន់បីធំៗ គឺ៖ ការប្រជុំពុទ្ធបរិស័ទ ព្រះពុទ្ធសម្ដែងឱវាទ ខ្លឹមសារសំខាន់នៃព្រះធម៌ ថ្ងៃដែលព្រះពុទ្ធដាក់ព្រះជនសង្ខារ បរិនិព្វាន ៕

អត្ថបទ៖ លឹម សុនា