ក្រោយធ្លាយរូប Pre-Wedding ច្រើនសន្លឹក ម្តងនេះ នីឡា បញ្ជាក់ច្បាស់រឿងរៀបការ
- 2019-03-06 07:40:00
- ចំនួនមតិ 0 | ចំនួនចែករំលែក 0
ក្រោយធ្លាយរូប Pre-Wedding ច្រើនសន្លឹក ម្តងនេះ នីឡា បញ្ជាក់ច្បាស់រឿងរៀបការ
ចន្លោះមិនឃើញ
ក្រោយពីរូបថតការជាច្រើនសន្លឹកជាមួយម្ចាស់ចិត្តរបស់ខ្លួនបង្ហោះព្រោងព្រាតលើបណ្ដាញសង្គម ហើយម្ចាស់សាម៉ីខ្លួន ថែមទាំងសរសេរថា "Pre-Wedding” ទៀតនោះ ធ្វើឲ្យមហាជនចង់ដឹងពីថ្ងៃមង្គលការរបស់តារាកំប្លែងរូបនេះថា គ្រោងនឹងរៀបចំឡើងឆាប់ៗនេះឬយ៉ាងណា។
ឆ្លើយតបនឹងសំនួរនេះ កូនស្រីលោកតា វ៉ិច ទ័រ ប្រាប់ថា រូបថតទាំងនោះតាមពិតជាការថតឲ្យសម្អាងការនោះទេ ដោយម្ចាស់សម្អាងការពេញចិត្តអ្នកទាំងពីរ ក៏ហៅថតជាគូតែម្ដងទៅ បើទោះសង្សាររបស់ខ្លួនមិនមែនជាអ្នកសិល្បៈក៏ដោយ។
ចំពោះរឿងរៀបការពិតប្រាកដវិញ ទាំង នីឡា និង ម្ចាស់ចិត្ត មិនទាន់គិតគូនោះទេ ព្រោះពួកគេសុទ្ធតែនៅវ័យក្មេង ។ ម្ល៉ោះហើយ ពួកគេចង់ផ្ដោតលើការសិក្សា និងសន្សំប្រាក់ឲ្យបានច្រើនសិន។ សម្រាប់រឿងភ្ជាប់ពាក្យវិញក៏ដូចគ្នា ថ្វីត្បិតអ្នកទាំងពីរស្រលាញ់ពេញចិត្ត និងចាស់ទុំបានដឹងលឺពីទំនាក់ទំនងរបស់ពួកគេយ៉ាងណាក៏ដោយ តែតារាកំប្លែងបន្ថែមអាជីពលក់ផលិតផលតាម Online ចង់បន្តមើលចិត្តថ្លើមគ្នាសិន មិនទាន់គិតគូលើរឿងនេះនោះទេ។
សំខាន់ពេលនេះ ពួកគេមានអារម្មណ៍សប្បាយចិត្តពេលនៅជិតគ្នា និងទោះយ៉ាងណាក៏អ្នកទាំងពីរមិនភ្លេចប្រពៃណីខ្មែរ មិនរស់ក្រោមដំបូលផ្ទះតែមួយ មុនរៀបការនោះឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
