ថ្ងៃនេះ PKNS និង Terrangganu ឈ្នះគូប្រកួតរកបាន៣ពិន្ទុដូចគ្នា
- 2019-03-09 14:54:13
- ចំនួនមតិ 0 | ចំនួនចែករំលែក 0
ថ្ងៃនេះ PKNS និង Terrangganu ឈ្នះគូប្រកួតរកបាន៣ពិន្ទុដូចគ្នា
ចន្លោះមិនឃើញ
ក្លឹប PKNS FC និង Terrangganu FA ទទួលបាន៣ពិន្ទុដូចគ្នាក្នុងការប្រកួតលីគកំពូលម៉ាឡេស៊ីសប្តាហ៍ទី៦ បន្ទាប់ពីក្រុមទាំងពីរទទួលបានជ័យជម្នះលើគូប្រកួតរៀងៗខ្លួន។
PKNS FC ដែលមានកីឡាករជម្រើសជាតិកម្ពុជា ចាន់ វឌ្ឍនាកាជាខ្សែបម្រើប្រយុទ្ធបានយកឈ្នះក្រុម Felda United ដោយលទ្ធផល២-០។ ២គ្រាប់បានកើតឡើងនៅវគ្គទី១មួយគ្រាប់ដោយកីឡាករ Morales នៅនាទីទី២៣ និងគ្រាប់ទី២ដោយកីឡាករ Kozubaev នៅនាទីទី៤៦។
ចំពោះក្រុម Terrangganu FC ដែលមានកីឡាករជម្រើសជាតិកម្ពុជា ធារី ចន្ថាប៊ីន ខ្សែបម្រើការពារកណ្តាលបានយកឈ្នះក្រុម Melaka United ដោយលទ្ធផល ៣-០ ដែរគឺគ្រាប់ទី១រកបាននៅនាទីទី២៤ដោយកីឡាករ Haniff និងគ្រាប់ទីពីររកបានដោយកីឡាករ Shaakhmedov នៅនាទីទី៤២ ហើយគ្រាប់ទី៣រកបាននៅវគ្គទី២។
គិតតាមលទ្ធផលសប្តាហ៍ទី៦នេះគឺ PKNS មាន១១ពិន្ទុតាមរយៈឈ្នះ៣ប្រកួត ស្មើ២ និងចាញ់១ឈរនៅលេខ៤នៃតារាងលីគ ខណៈ Terrangganu មាន៩ពិន្ទុតាមរយៈឈ្នះ២ ស្មើ៣ និងចាញ់១ដោយឈរលេខ៦បណ្តោះអាសន្ន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
