ឯកឧត្តម សៅ សុខា ប្រាប់ឱ្យប្រើពាក្យដើមវិញ Offside គឺ Offside អត់ប្រើជំហរក្រៅល្បែងទេ
- 2019-03-11 04:07:43
- ចំនួនមតិ 0 | ចំនួនចែករំលែក 0
ឯកឧត្តម សៅ សុខា ប្រាប់ឱ្យប្រើពាក្យដើមវិញ Offside គឺ Offside អត់ប្រើជំហរក្រៅល្បែងទេ
ចន្លោះមិនឃើញ
ក្នុងមហាសន្និបាតប្រចាំឆ្នាំរបស់សហព័ន្ធបាល់ទាត់កម្ពុជា ឯកឧត្តម សៅ សុខា បានបញ្ជាក់គាំទ្របាល់ទាត់នឹងប្រើពាក្យបច្ចេកទេសដើមវិញ ដែលមានន័យថាមិនបកប្រែពាក្យទាំងនោះឡើយ។
ត្រង់ចំណុចនេះគឺមានន័យថា នឹងប្រើពាក្យបច្ចេកទេសជាទូទៅ គឺ Offside នៅតែប្រើ Offside ដដែល Free-kick នៅតែប្រើ Free-kick មិនបកប្រែទៅជាភាសារខ្មែរថា Offside ជំហរក្រៅល្បែង និង Free-kick បកថា ទាត់ដោយសេរីនោះទេ។ ការឱ្យប្រើពាក្យបច្ចេកទេសដើមនេះ ត្រូវបានឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជាបញ្ជាក់ថាបាល់ទាត់ជាកីឡាអន្តរជាតិ ហើយពាក្យបច្ចេកទេសទាំងអស់ សុទ្ធតែត្រូវប្រើទូទាំងពិភពលោក។
រំលឹកទៅវិញបន្តិចថា នៅឆ្នាំមុន គណៈកម្មាការជាតិអូឡាំពិកកម្ពុជា (NOCC) បានបើកវគ្គខ្លីដល់អ្នកកាសែតនិងពិធីករ ពិធីការិនីទាំងអស់ ដោយប្រើប្រាស់ភាសាជាតិ ក្នុងការអត្ថាធិប្បាយ។ ដោយពាក្យបច្ចេកទេសមួយចំនួនត្រូវបានបកប្រែទៅជាភាសាខ្មែរវិញ ដូច Offside បកថាជំហរក្រៅល្បែង Free-kick ទាត់បាល់ដោយសេរី Penalty បាល់ពិន័យ១១ម៉ែត្រជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
