កាន់តែកាក់កប! Jimmy ដូរឡានសេរ៊ីទំនើបថ្លៃ៧ម៉ឺនដុល្លារ ពេលជឿជាក់ខាងផ្លូវងងឹត

2019-03-27 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យីអ៊ុនរបស់កញ្ញា Jimmy កាន់តែឡើងស្រឺតៗ ដោយថ្មីៗនេះ គេឃើញស្រីស្អាតញញឹមស្រស់ ទើបតែធ្វើឲ្យទស្សនិកជនភ្ញាក់ផ្អើល ក្រោយឃើញ Jimmy ដូរយករថយន្តពណ៌លឿងឆើតឆាយសេរ៊ីទំនើបម៉ាក Ford Mustang ឆ្នាំ ២០១៦ តម្លៃ ៧ម៉ឺនដុល្លារ។

Jimmy ធ្លាប់ធ្វើឲ្យមហាជនបើកភ្នែកធំៗ ម្ដងរួចហើយ ក្រោយទម្លាយពីទំហំមុខជំនួញនិងអចលនទ្រព្យដែលខ្លួនកាន់កាប់ កាលពីពាក់កណ្ដាលឆ្នាំ២០១៨ ថា បានទិញផ្ទះ៣កន្លែង ក្នុងតម្លៃជិត៥០ម៉ឺនដុល្លារ ដោយមិនទាន់គិតខុនដូមួយនៅកំពង់សោម និងខុនដូមួយនៅម្ដុំផ្លូវ៦០ ម៉ែត្រ ខណៈដែលការងារសិល្បៈរបស់ Jimmy ហូរចូលច្រើនរវល់ដល់ថ្នាក់រកពេលសម្រាកស្ទើរគ្មាន។

ភាពជោគជ័យចេះកើតមានជាបន្តបន្ទាប់នេះ ពិធីការីនីពូកែភាសាអង់គ្លេស ចិន និងថៃ ប្រាប់ថា ក្រៅពីប្រឹងប្រែងការងារដោយសមត្ថភាពខ្លួនឯង មួយចំណែកទៀតបានមកពីអ្នកគ្រូហុងស៊ុយល្បីឈ្មោះ ឡុង ណាលី ក្រោយពីឲ្យអ្នកគ្រូជួយរៀបហុងស៊ុយឲ្យ។

ស្រីស្អាតចង្កេះមួយក្ដាប់រូបនេះ បន្តថា បានឲ្យអ្នកគ្រូរៀបចំហុងស៊ុយផ្ទះ និងចាវអ៊ុង (ផ្នូរមនុស្សរស់) ដើម្បីឲ្យលាភសំណាងកាន់តែចូលមកច្រើនឡើងផងដែរ។ ចំពោះការរៀបចាវអ៊ុង Jimmy រៀបរាប់ត្រួសៗថា ដោយយកក្រចក ញើស ហើយធ្វើពិធីបញ្ចុះនៅក្នុងដីដែលជាប្រភេទដីដង្ហើមនាគ មានធាតុ ៥ ពណ៌ បន្ទាប់មកកំណត់យកថ្ងៃ ខែ ឆ្នាំ ល្អ ដើម្បីស្រូបថាមពល ។ នៅពេលត្រលប់មកវិញ នោះនឹងមានរឿងរ៉ាវល្អៗកើតឡើង ជាក់ជាមិនខាន៕