រូបភាពប្រណាំងរទេះសាឡីគោបែបប្រពៃណីរបស់អ្នកកំពង់ស្ពឺ

2019-04-08 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថិតនៅខាងលិចវត្តអង្គមេត្រី ភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ រទេះសាឡីគោជាច្រើនគ្រឿងមកពីជុំគ្នាដើម្បីចូលរួមប្រណាំងគ្នានៅទីលានវាលស្រែមួយកន្លែងដើម្បីអបអរសាទរពិធីបុណ្យចូលឆ្នាំខ្មែរដែលខិតជិតចូលមកដល់។

រទេះសាឡីគោកំពុងបំបោលកាត់កូនខ្លែងបើកកម្មវិធី

បើតាមអ្នករៀបចំកម្មវិធីបែបប្រពៃណីតទាំងពីបុរាណប្រចាំខេត្តកំពង់ស្ពឺ លោក ចាប រ៉ា បានប្រាប់ឲ្យដឹងថា រទេះសាឡីគោដែលបានចូលរួមប្រណាំងឆ្នាំនេះមាន២៦រទេះ មកពីរាជធានីភ្នំពេញ២រទេះ ខេត្តកណ្ដាល ៧រទេះ និងខេត្តកំពង់ស្ពឺដែលជាម្ចាស់ទឹកដីមាន ១៧រទេះ។

រទេះសាឡីគោកំពុងបំបោលកាត់កូនខ្លែងបើកកម្មវិធី

ការប្រារព្ធពិធីប្រណាំងរទេះសាឡីគោលឿនប្រចាំខេត្តកំពង់ស្ពឺនេះមានគោលបំណងធំ២គឺ ១.ដើម្បីអបអរសាទរពិធីបុណ្យចូលឆ្នាំខ្មែរប្រពៃណីជាតិជិតឈានចូលមកដល់ និងទី២. ដើម្បីថែរក្សា ការពារ ប្រពៃណីទំនៀមទម្លាប់តាំងបុរាណរបស់ប្រជាជនមិនឲ្យបាត់បង់។ ក្រោយការប្រណាំងរទេះសាឡីដែលទទួលចំណាត់ថ្នាក់ក្នុងការប្រណាំងឆ្នាំនេះរួមមាន៖

ចំណាត់ថ្នាក់លេខ១៖ រទេះសាលីគោឈ្មោះ អាស្រីម៉ី មកពីរាជធានីភ្នំពេញ ដែលមានម្ចាស់ឈ្មោះចិក សែ។
ចំណាត់ថ្នាក់លេខ២៖ រទេះសាលីគោឈ្មោះ ពិភពថ្មី មកពីខេត្តកំពង់ស្ពឺ ដែលមានម្ចាស់ឈ្មោះ អូន ឆើត។
ចំណាត់ថ្នាក់លេខ៣៖ រទេះសាលីគោឈ្មោះ រីករាយ មកពីខេត្តកំពង់ស្ពឺ ដែលមានម្ចាស់ឈ្មោះ អូនរ៉ា។

សូមទស្សនារូបសកម្មភាពប្រណាំងរទេះសាឡីគោដូចខាងក្រោម៖