រូបភាពប៉ុន្មានសន្លឹក បង្ហាញពីសម្រស់ខុសប្លែករបស់ ឌុច សុភា ស្ទើរមិនគួរឲ្យជឿ!

2019-08-08 02:51:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមស្ងប់ស្ងាត់សកម្មភាពភាពសិល្បៈ ថ្មីៗនេះ គេបានប្រទះឃើញ រូបថតរបស់តារាសម្ដែងទម្រង់មុខមានមន្តស្នេហ៍ ឌុច សុភា ប៉ុន្មានសន្លឹកនៅលើ IG ផ្ទាល់ខ្លួនរបស់នាង ដែលបង្ហាញឲ្យឃើញពីភាពខុសប្លែកខ្លាំងស្ទើរមិនគួរឲ្យជឿ។

តាមរយៈរូបប៉ុន្មានសន្លឹកនោះ គេឃើញ សុភា ឡើងទម្ងន់ខុសប្លែកខ្លាំងទៅនឹងរូបរាងកាលពីអតីតកាល។ កាលពីអតីតកាល ឌុច សុភា ត្រូវបានគេចាត់ជាតារាស្រីមួយរូបមានសម្ផស្សស្រស់ស្អាតទាំងព្រម រាងក៏ស្អាត ទម្រង់មុខ និងផ្ទៃមុខស្រស់ស្អាត ពិសេសគឺស្រទន់ពោរពេញដោយមន្តស្នេហ៍។ អំណោយផលនេះ នាងក្ដោបក្ដាប់តំណែងជាតារាស្រីជួរមុខអស់រយៈ ពេលជាច្រើនឆ្នាំ ដោយឆក់បានតំណែងធំៗក្នុងសាច់រឿង ស្ប៉តពាណិជ្ជកម្ម និងខារ៉ាអូខេជាច្រើនរាប់មិនអស់។

អំណោយផលដដែល ក៏បាននាំឲ្យនាងបានជួបប្រសព្វជាមួយនឹងមន្ត្រីធំមួយរូបនៅនាយកដ្ឋានអន្តោប្រវេសន៍ និងបានរៀបការជាមួយគ្នានៅឆ្នាំ ២០០៩។ ក្រោយពីនោះ នាងក៏សម្ងំស្ងៀមដោយទុកការងារសិល្បៈចោលប៉ុន្មានឆ្នាំ មុនពេលលេចមុខជាថ្មីអំឡុងឆ្នាំ ២០១៤ បន្ទាប់ពីជីវិតគូស្រករជួបរឿងរកាំរកូសរហូតដល់លែងលះគ្នា។ សុភា និងស្វាមី បានចែកផ្លូវគ្នា ក្រោយពីសោភា សម្រាលកូនប្រុសបានត្រឹម ១៤ថ្ងៃប៉ុណ្ណោះនាពេលនោះ។

ក្រោយពីចូលសិល្បៈវិញ ឌុច សុភា នាងនៅតែលឹបលៗៗក្នុងសិល្បៈ រហូតមកដល់សព្វថ្ងៃ ដោយមិនសូវឃើញមានការមមាញឹកខ្លាំង ដូចកាលពីអតីតកាលប៉ុន្មាននោះទេ ដោយជួនកាលគេឃើញនាងទទួលការងាររបស់ហង្សមាស ដូចជាថតរឿង និងខារ៉ាអូខេជាដើម ដែលស្នាដៃចុងក្រោយមួយរបស់នាងក្នុងផលិតកម្មខាងលើ គឺនាងសម្ដែងក្នុងបទ "ចង់ចាកចេញ" របស់ ឱក សុគន្ធកញ្ញា កាលពីចុងឆ្នាំ ២០១៧ និងរឿង "ផ្កាថ្ម" នាពាក់កណ្ដាលឆ្នាំ ២០១៨។

ជាមួយគ្នាដែរ គេសម្គាល់ថា អ្នកមេម៉ាយរូបនេះ នាងចូលចិត្តសម្ងំសុខជាមួយជីវិតឯកជននាងច្រើនជាង។ ដូច្នេះហើយ មិនត្រឹមតែការងារសិល្បៈនោះទេ សូម្បីតែសកម្មភាពចូលរួមក្នុងកម្មវិធីសិល្បៈនានា ក៏មិនសូវឃើញមុខនាងដែរ ដោយច្រើនបំផុត អ្នកគាំទ្រអាចឃើញនាងត្រឹមរូបថតនៅលើបណ្ដាញសង្គមប៉ុណ្ណោះ។

ឌុច សោភា កាលពីមុន

យ៉ាងណាគេដឹងថា នាងនៅតែរស់នៅក្នុងជីវិតហ៊ឺហា ហើយនោះក៏ទំនងជាមូលហេតុដែលនាង ឡើងគីឡូខ្លាំងនាពេលនេះដែរ។មិនទាន់មានការទម្លាយឲ្យដឹងនៅឡើយថា អ្វីនៅពីក្រោយជីវិតហ៊ឺហារបស់ ឌុច សោភា បើទោះនាងមិនសូវមានការមមាញឹកនឹងការងារសិល្បៈនោះឡើយ។ ជីវិតហ៊ឺហា ក្រោយបែកស្វាមីនោះ សុភា នៅតែត្រូវគេចងជាមួយមន្ត្រីកំពូលៗមួយចំនួន ក្នុងនោះ ធ្លាប់មានចចាមអារ៉ាមជាមួយមន្ត្រីផ្កាយ២ម្នាក់ រួមទាំងសម្ដេចក្រុមព្រះ ថែមទៀត ប៉ុន្តែត្រូវនាងបដិសេធ៕