តារាកូរ៉េទាំង ៧ នាក់នេះសឹងតែបាត់បង់អាជីព ដោយសារពាក្យចចាមអារ៉ាម

2019-09-09 10:13:55
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជីពជាអ្នកសិល្បៈរមែងតែងតែមានអ្នកគាំទ្រនិងអ្នកមិនចូលចិត្ត ប៉ុន្តែភាពមិនពេញចិត្តរបស់ជនទាំងនោះក៏សឹងតែធ្វើឲ្យតារាល្បីៗទាំងនោះបាត់បង់នូវប្រជាប្រិយភាពឬអាជីពរបស់ខ្លួនផងដែរ។ ពួកគេបានបង្កើតនូវពាក្យចចាមអារ៉ាមដើម្បីបំផ្លាញកេរ្តិ៍ឈ្មោះតារាទាំងនោះដែលមានដូចជា៖

១. IU

កាលពីចុងឆ្នាំ ២០១៣ IU ត្រូវបាន ពួកជនខិលខូច ប្រកាសនូវពាក្យចចាមអារ៉ាមថា នាងកំពុងតែរៀបចំពិធីមង្គលការជាមួយនឹងសមាជិកក្រុមចម្រៀងល្បីម្នាក់។ ដោយទ្រាំមិនបានជាមួយនឹងពាក្យចចាមអារ៉ាម តារាចម្រៀងរាងតូចច្រឡឹងបានស្នើឲ្យមានការស៊ើបអង្កេត បន្ទាប់មកជនសង្ស័យក៏ត្រូវបានចាប់ខ្លួន។

២. Han Seungyeon អតីតសមាជិក KARA

នៅក្នុងឆ្នាំ ២០១៣ ដដែល Seungyeon ក៏បានរងទុកដោយសារតែពាក្យចចាមអារ៉ាម និងត្រូវបានគេចោទប្រកាន់ថា នាងបានទៅលួងលោមអ្នកដែលមានអំណាចនៅក្នុងផលិតកម្មដើម្បីភាពល្បីល្បាញ។

៣. Sulli អតីតសមាជិកក្រុម F(x)

ដើមឆ្នាំ ២០១៤ មានពាក្យចចាមអារ៉ាមមួយថា Sulli មានផ្ទៃពោះ។ អ្នកដែលផ្សព្វផ្សាយនោះបាននិយាយថា នាងបានឃើញ Sulli នៅគ្លីនិកសម្រាប់ស្ត្រីមានផ្ទៃពោះ ហើយពាក្យចចាមអារ៉ាមនោះត្រូវបានចែកចាយដូចភ្លើងឆេះ។

៤. Park Bom

តារាចម្រៀងទោល និងជាអតីតសមាជិក 2NE1 ត្រូវបានរងការចោទប្រកាន់ជាច្រើនដងទាក់ទងទៅនឹងរឿង ការវះកាត់កែសម្ផស្ស ព្រមទាំងរឿង ការប្រើប្រាស់គ្រឿងញៀនទៀត។ យ៉ាងណាមិញ ខាងផលិតកម្ម ក៏បានធ្វើសកម្មភាពមួយចំនួន ដើម្បីប្រឆាំងនូវពាក្យមិនពិតទាំងនោះផងដែរ។

៥. HyunA និង Jang Hyunseung

ដើមឆ្នាំ ២០១៤ មានសារព័ត៌មានមួយថា HyunA និង Jang Hyunseung មានកូនជាមួយគ្នា ហើយកូននោះត្រូវបានយកចេញ។ យ៉ាងណាមិញ ព័ត៌មានចោទប្រកាន់មួយនោះត្រូវបានដឹងថាជាព័ត៌មានប្រឌិត។

៦. Rain

នៅខែវិច្ឆិកា តារាសម្ដែងលំដាប់ហូលីវូដ Rain ត្រូវបានចែកចាយនូវរូបភាពអាក្រាតកាយរបស់ខ្លួន។ អ្នកដែលបានចែកចាយរូបភាពទាំងនោះបាននិយាយថា រូបភាពទាំងនោះគឺបានមកពីទូរសព្ទរបស់ Kim Tae Hee។ ចុងក្រោយរូបភាពទាំងនោះក៏ត្រូវបានបកស្រាយថា មិនមែនជា Rain គឺគ្រាន់តែមានមុខស្រដៀងប៉ុណ្ណោះ។

៧. Suho សមាជិកក្រុម EXO

ដោយមានពាក្យចចាមអារ៉ាមថា ឪពុករបស់ប្រធានក្រុម EXO គឺជាមន្ត្រីបម្រើការក្នុងជួររដ្ឋាភិបាលជប៉ុន ដែលព័ត៌មាននេះត្រូវបានចែកចាយដោយក្រុមប្រជាជន។ ដោយជឿទៅលើពាក្យចចាមអារ៉ាម មានប្រជាជនជាច្រើនបានខឹងសម្បារយ៉ាងខ្លាំងទៅលើ Suho និងឪពុករបស់គេ។ យ៉ាងណាក្ដី ព័ត៌មាននោះត្រូវបានលាតត្រដាងថា ជាព័ត៌មានមិនពិតនោះទេ៕

ប្រភព៖ Koreaboo ប្រែសម្រួល៖ ឈឹម វិមានរ័ត្ននា