ប្រព័ន្ធការពារមីស៊ីល THAAD របស់អាមេរិកខ្លាំងកម្រិតណា?

2020-01-08 07:29:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធ THAAD ដែលមានន័យពេញថា “Terminal High Altitude Area Defense” ឬ "ខែលការពារតំបន់នីវ៉ូខ្ពស់" គឺជាប្រព័ន្ធការពារប្រឆាំងមីស៊ីលឆ្លងទ្វីបរបស់កងទ័ពអាមេរិក ដែលបង្កើតឡើងដើម្បីបាញ់ទម្លាក់មីស៊ីលឆ្លងទ្វីបចម្ងាយខ្លី មធ្យម និងបង្គួរ ក្នុងសមត្ថភាពចម្ងាយផុតលេខរបស់វា ដោយប្រើវិធីសាស្ត្រដេញបាញ់កម្ទេចឱ្យបាន។

THAAD ត្រូវបានបង្កើតឡើងបន្ទាប់ពីឆ្លងកាត់ពិសោធន៍នៃការវាយប្រហារដោយមីស៊ីល Scud របស់អ៊ីរ៉ាក់ អំឡុងសង្គ្រាមឈូងសមុទ្រពែក្សក្នុងឆ្នាំ ១៩៩១ ។ មីស៊ីលរបស់ប្រព័ន្ធ THAAD មិនផ្ទុកក្បាលគ្រាប់ទេ ប៉ុន្តែពឹងផ្អែកលើថាមពលគីណេទិកដើម្បីបំផ្លាញមីស៊ីលដែលកំពុងហោះមក។

ការប្រើថាមពលគីណេទិកបាញ់ប្រហារគឺកាត់បន្ថយការផ្ទុះមីស៊ីលឆ្លងទ្វីបបំពាក់ក្បាលគ្រាប់ធម្មតា ហើយមីស៊ីលបំពាក់ក្បាលគ្រាប់នុយក្លេអ៊ែរនឹងមិនផ្ទុះឡើយ នៅពេលបុកចំថាមពលគីណេទិក។ មុនស្ថិតក្រោមកម្មវិធីកងទ័ពអាមេរិក ប្រព័ន្ធ THAAD បានមកជ្រកក្រោមឆត្រទីភ្នាក់ងារការពារប្រឆាំងមីស៊ីលវិញ។ កងទ័ពជើងទឹកអាមេរិកក៏មានកម្មវិធីស្រដៀងគ្នានេះដែរ គឺមានឈ្មោះថា ប្រព័ន្ធ ABMD ដែលមានមូលដ្ឋាននៅសមុទ្រឯណោះ ប៉ុន្តែឥឡូវក៏មានជើងទម្រសម្រាប់បាញ់នៅលើដីគោកផងដែរ។

ប្រព័ន្ធ THAAD ដំបូងឡើយមានគម្រោងដាក់ពង្រាយក្នុងឆ្នាំ ២០១២ ប៉ុន្តែការផលិតប្រព័ន្ធនេះពីដំបូងគឺចាប់ផ្តើមក្នុងឆ្នាំ ២០០៨។ បច្ចុប្បន្នប្រព័ន្ធ THAAD បានដាក់នៅប្រទេសអារ៉ាប់រួមអេមីរ៉ាត តួកគី និង កូរ៉េខាងត្បូង។ ប្រព័ន្ធ THAAD ត្រូវបានរចនា កសាង និង ផ្គុំ ឡើងដោយក្រុមហ៊ុន Lockheed Martin Space Systems ដែលដើរតួជាអ្នកម៉ៅការសំខាន់បំផុត។ ក្រុមហ៊ុនម៉ៅការបន្ទាប់បន្សំដទៃទៀតមានដូចជា Raytheon, Boeing, Aerojet, Rocketdyne, Honeywell, BAE Systems, Oshkosh Defense, MiltonCAT និង Oliver Capital Consortium។

ប្រព័ន្ធ THAAD មានសមត្ថភាពបាញ់បានចម្ងាយ ២០០ គីឡូម៉ែត្រ និង បាញ់បានកម្ពស់ ១៥០ គីឡូម៉ែត្រ។ ប្រព័ន្ធនេះមានរថយន្តជើងទម្រចំនួន ៦ គ្រឿង និងផ្ទុកមីស៊ីល ៨ គ្រាប់ក្នុងជើងទម្រនីមួយៗ អមជាមួយរថយន្តមណ្ឌលប្រតិបត្តិការយុទ្ធសាស្ត្រចល័តទីបានចំនួន ២ គ្រឿង និង រ៉ាដាលើដីប្រភេទ AN/TPY-2 មួយគ្រឿង។ រថយន្តជើងទម្របាញ់មួយគ្រឿងមានតម្លៃដល់ទៅ ៨០០ លានដុល្លារឯណោះ៕

ប្រភព ៖ rasmeinews.com