ដោយសារស្និទ្ធខុសធម្មតាពេក ទើបតារាប្រុសស្រី ៥គូនេះត្រូវគេសង្ស័យថាស្រឡាញ់គ្នា

2020-06-05 02:52:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំនាក់ទំនងជិតស្និទ្ធរវាងតារាប្រុស និងតារាស្រីវាជារឿងធម្មតាទៅហើយនៅសម័យនេះ ប៉ុន្តែពេលខ្លះភាពជិតស្និទ្ធនោះ បានធ្វើឲ្យតារាខ្លះត្រូវមហាជន និងអ្នកគាំទ្រដល់ថ្នាក់សង្ស័យថាពួកគេទាំងនោះលួចទាក់ទងស្នេហាគ្នាលួចលាក់ទៀតផង។

ទាំងនេះជាអ្នកដែលត្រូវគេយល់ច្រឡំថាស្រឡាញ់គ្នា ស្របពេលពួកគេជ្រើសយកពាក្យថា «មិត្តល្អ» ជំនួសវិញ៖

១. Henry និង Amber

ទាំង ២នាក់នេះបានបង្ហាញច្បាស់ៗថាពួកគេស្និទ្ធនឹងគ្នាកម្រិតណា ស្ទើរតែដូចបងប្អូនបង្កើត។ ប៉ុន្តែពាក្យថាស្នេហារវាងពួកគេ ពិតជាមិនអាចទៅរួចទេ បើទោះបីជា Henry និង Amber រាប់អានគ្នាតាំងពីមុនចូលសិល្បៈក៏ពិតមែន។

២. Lee Hyun Woo និង IU

តារាប្រុសស្រីកើតឆ្នាំ ១៩៩៣ ១គូនេះ ក៏ត្រូវគេដឹងថាជាមិត្តជិតស្និទ្ធនឹងគ្នាតាំងពីយូរមកហើយដែរ ថែមទាំងត្រូវអ្នកគាំទ្រសង្ស័យថាស្រឡាញ់គ្នាទៀតផង ព្រោះឧស្សាហ៍ចេញទៅក្រៅជាមួយគ្នា។ ពេលផ្ទុះថាស្រឡាញ់គ្នា ក្រុមហ៊ុនពួកគេក៏បានចេញមុខបកស្រាយដែរថា មិនមែនជាការពិតទេ ដោយសារពួកគេទាំង២ត្រឹមជាមិត្តភ័ក្តិល្អនឹងគ្នាតែប៉ុណ្ណោះ តែនៅតែមិនអាចធ្វើឲ្យអ្នកគាំទ្រស្ងប់ចិត្ត ដោយសារសកម្មភាពសាមីខ្លួនដូចជាប្លែកលើសពីពាក្យថាមិត្ត។

៣. Lee Hong Ki និង Park Shin Hye

ចំណែកទំនាក់ទំនង ពួកម៉ាក ១គូនេះវិញ ចាប់ផ្ដើមល្អតាំងពីពេលសម្ដែងរឿង «You're Beautiful» ជាមួយគ្នាមកម្ល៉េះ។ ដោយសារតែពាក្យចចាមអារ៉ាមផ្ទុះឡើងខ្លាំងពេក Hong Ki ក៏បានចេញមុខបញ្ជាក់តែម្ដងថាពួកគេត្រឹមជាមិត្តប៉ុណ្ណោះ។ រហូតដល់ពេលមានព័ត៌មានថា Park Shin Hye មានស្នេហាជាមួយ Choi Tae Yoon កាលពីឆ្នាំ ២០១៧ ទើបពាក្យចចាមអារ៉ាមទាំងនោះរលុបបាត់វិញ។

៤. G-Dragon (BIGBANG) និង Dara

តារារួមផលិតកម្ម ១គូនេះវិញ ក៏មានព័ត៌មានស្នេហាផ្ទុះឡើងខ្លាំងដែរកន្លងមក។ ច្រើនដងណាស់ អ្នកគាំទ្រព្យាយាមប្រមូលភស្តុតាងពួកគេទាំង ២លួចទាក់ទងស្នេហាគ្នា ព្រោះតាំងពីខោអាវ ស្បែកជើង កាយវិការថតរូប និងរូបថតជាច្រើនសន្លឹករបស់ពួកគេដូចគ្នាពេក។ ប៉ុន្តែសរុបមកពួកគេមិនមែនជាសង្សារនឹងគ្នាដូចពាក្យលើកឡើងនោះទេ ព្រោះថាទំនាក់ទំនងពេលនេះកើតចេញពីការរាប់អានប្រផបដូចបងប្អូនទៅវិញទេ។

៥. U-Know Yunho និង BoA

Yunho និង BoA គឺសុទ្ធតែជាតារាជើងចាស់របស់ផលិតកម្ម SM។ មិនត្រឹមតែជាអ្នករួមការងារ រួមផលិតកម្មទេ ពួកគេថែមទាំងជាមិត្តល្អរាប់ឆ្នាំទៀតផង។ ដោយសារកាយវិការយកចិត្តទុកដាក់ប្រៀបដូចគូស្នេហ៍នៅខាងក្រៅ ទើបបណ្ដាលឲ្យមានពាក្យចចាមអារ៉ាមជាច្រើនលើកឡើងថា Yunho និង BoA ទំនងស្រឡាញ់គ្នាមែន៕

ប្រភព៖ Koreaboo ប្រែសម្រួល៖ យី សុធារី