ចូលវ័យ៣១ឆ្នាំហើយ ណូម័រ មិនទាន់មានភ្លើងខៀវសម្រាប់ពិចារណាគូស្រករថ្មី

2020-06-09 03:19:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃទី៨ ខែមិថុនា ឆ្នាំ២០២០ ម្សិលមិញ គឺជាខួបគម្រប់អាយុ៣១ឆ្នាំ ហើយក៏ជាខួប១ឆ្នាំគត់ដែលតារាសម្ដែង និងជាពិធីការិនី អន រ៉ាស៊ីសុមេត្ដា ហៅណូម័រ ស្គាល់ភាពជាប្រពន្ធ-ប្ដី ហើយក៏បែកបាក់ ឬលែងលះគ្នាទៅវិញ។

ក្នុងវ័យ៣១ឆ្នាំនេះ ណូម័រ បានបង្ហាញភាពជាម្ចាស់ការលើខ្លួនឯង និងស៊ីវិល័យច្រើន។ ប៉ុន្ដែនាងបញ្ជាក់ថា រូបនាងមិនទាន់មានបុរសណាម្នាក់ចូលចែចូវជាថ្មីនៅឡើយទេ ហើយនាងផ្ទាល់ក៏មិនទាន់គិតគូរដល់រឿងនេះដែរ។

ណូម័រ ថានាងអាចនឹងរង់ចាំរហូតដល់ថ្ងៃជោគជ័យក្នុងអាជីពសិល្បៈ និងការងាររកស៊ីបន្ថែមសិន ព្រោះបច្ចុប្បន្ននាងក៏កំពុងវក់វីនឹងការងាររកស៊ីផង ការងារសិល្បៈផង ហើយក៏ឆ្លៀតរៀនដូរ្យតន្ត្រី និងសម្អាងការបន្ថែមទៀត។

អ្នកនាង ណូម័រ៖"រឿងហ្នឹង(ស្នេហា) មិនទាន់គិតទេបងអើយ...ពេលនេះសុំយកពេលទៅរៀនជំនាញសិន"។

អន រ៉ាស៊ីសុមេត្ដា ហៅណូម័រ ធ្លាប់រៀបការជាមួយVJ សុភា កាលពីថ្ងៃទី២៨ ខែឧសភា ឆ្នាំ២០១៩ ហើយក៏ចែកផ្លូវគ្នាវិញក្រោយចាប់ដៃគ្នាជាប្ដី-ប្រពន្ធ បានរយៈពេល៥ខែ ប៉ុន្ដែកាលណោះនាងមិនទទួលបានកូនជាចំណងដៃនោះទេ។ ការរស់នៅមិនចុះសម្រុងនឹងគ្នាកាលណោះ ណូម័រ មិនបានបង្ហាញមូលហេតុច្បាស់លាស់ទេ ប៉ុន្តែនាងបញ្ចេញសារដ៏វែងអន្លាយមួយក្រោយលែងលះភ្លាមៗដែលមានខ្លឹមសារថា នាងត្រូវតែរឹងមាំ និងម្ចាស់ការលើខ្លួនឯង។

រូបថត៖ ហ្វេសប៊ុក ណូម័រ

ងាកមករឿងថ្ងៃខួបកំណើតយប់មិញវិញ គឺណូម័រ មិនបានធ្វើពិធីខួបកំណើតធំដុំ ឬជួបជុំមិត្តភ័ក្ដិដើម្បីពិសាអាហារជាមួយគ្នានោះទេ ដោយនាងលើកហេតុផលថា ខ្លាចឆ្លងកូវីដ-១៩ ហើយម្យ៉ាងនាងក៏រវល់នឹងការរកចំណូលផង៕

អត្ថបទ៖ ជិន សុភ័ក្ដ្រ