នៅ សុនិតា បង្ហាញគុណសម្បត្តិ៥យ៉ាងរបស់ស្វាមី ដែលធ្វើឲ្យនាងមោទកភាពខ្លាំង!
- 2020-06-11 07:52:27
- ចំនួនមតិ 0 | ចំនួនចែករំលែក 0
នៅ សុនិតា បង្ហាញគុណសម្បត្តិ៥យ៉ាងរបស់ស្វាមី ដែលធ្វើឲ្យនាងមោទកភាពខ្លាំង!
ចន្លោះមិនឃើញ
អតីតតារាសម្ដែង និងជាពិធីការិនី នៅ សុនិតា បានបង្ហាញភាពខ្លាំងរបស់ស្វាមីដែលបានផ្ដល់ភាពកក់ក្ដៅដល់គ្រួសារកាន់តែញឹកញាប់ ខណៈដែលជីវភាពរបស់នាងកាន់តែធូរធារ និងមានស្វាមីយល់ចិត្ត។
នៅថ្ងៃទី១១ ខែមិថុនា នេះ នៅ សុនិតា បានបង្ហាញពីឥរិយាបថ និងសមត្ថភាព៥ចំណុចរបស់បុរសម្នាក់ដែលនាងមោទកភាពបំផុត គឺស្វាមីនាង លោក ទិត្យ ថាវរិទ្ធ ដែលទើបបង្កើតបានកូនប្រុសដ៏គួរឲ្យស្រឡាញ់ម្នាក់ជាចំណងដៃនោះ។
ឥរិយាបថទាំង៥ចំណុច ដែលហាក់បង្ហាញពីភាពខ្លាំងរបស់ស្វាមីអ្នកនាងនោះ គឺមានដូចជា៖ ១. មិនសង្ហា តែបណ្ដើរទៅណាមកណាធ្វើឲ្យនាងមានសេចក្ដីថ្លៃថ្នូរ និងចុះចំណោម។ ២ បុរសនោះធ្វើឲ្យនាងមានអារម្មណ៍កក់ក្ដៅ និងមានសុវត្ថិភាព គ្រប់ពេលដែលមានបុរសនោះនៅក្បែរ។
៣ ផ្ដល់កម្លាំងចិត្ដ ជំរុញនាងគ្រប់កាលៈទេសៈ ផ្ដល់គំនិតល្អៗ និងគាំទ្រនាងជានិច្ច។ ៤ បុរសនោះប្រៀបបានដូចជាឪពុក ចេះអត់ឱន មេត្ដា ជាពិសេសមិនដែលធ្វើឲ្យនាងខ្វល់ចិត្ដ ឬពិបាកចិត្តឡើយ និងទី៥ បុរសនោះអាចធ្វើអ្វីបានគ្រប់យ៉ាងដើម្បីនាង ហ៊ានលះបង់ ស្មោះត្រង់ យល់ចិត្ដ និងមិនដែលត្អូញត្អែរ ឬកំហកដាក់នាង។
ជាមួយនឹងឃ្លាឃ្លោងដ៏វែងអន្លាយដែលនាងបានបញ្ចេញនៅថ្ងៃនេះ គឺមានភ្ជាប់រូបថតនាង និងស្វាមី ព្រមទាំងកូនប្រុសឈថតនៅខាងមុខឡានសេរីទំនើបមួយគ្រឿង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
