រឿងការពិតខ្លះរបស់ នីកូ ដែលអ្នកគាំទ្រអាចនឹងមិនធ្លាប់ដឹង!

2020-07-03 08:22:39
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងរ៉ាវមួយចំនួនរបស់តារាចម្រៀងក្នុងចិត្តយុវវ័យ នីកូ ប្រហែលជាមានអ្នកគាំទ្ររបស់លោកបានដឹងច្រើនកន្លងមក មិនថាទាំងការងារសិល្បៈ និងរឿងរ៉ាវផ្ទាល់ខ្លួន ហើយមួយចំនួនទៀតក៏មិនទាន់បានដឹង តោះទៅតាមដាន១០ចំណុចសំខាន់ៗរបស់ នីកូ ទាំងអស់គ្នា ដែលលោកបានបង្ហើបប្រាប់ Sabay ៖

១. នីកូ គ្រាន់តែឈ្មោះក្នុងសិល្បៈប៉ុណ្ណោះ ចំណែកឈ្មោះពិតវិញគឺ ណុប សម្បត្តិពុទ្ធិរដ្ឋ ហើយសព្វថ្ងៃ នីកូ មានអាយុ ២៤ ឆ្នាំ។

២. នីកូ ធ្លាប់បង្ហាញខ្លួនតាមកញ្ចក់ទូរទស្សន៍តាំងពីអាយុ៣ឆ្នាំក្នុងកម្មវិធីទូរទស្សន៍ "ចៅពុទ្ធិកម្ជិល" ។

(រូប IG របស់ នីកូ)

៣. សមាជិកក្នុងគ្រួសារ នីកូ ទាំងអស់ សុទ្ធតែចេះច្នៃម៉ូដ ភាគច្រើនសំលៀកបំពាក់ដែលថតក្នុងវីដេអូចម្រៀងរបស់លោក គឺជាស្នាដៃរបស់គ្រួសារ ហើយ លោកផ្ទាល់បានបញ្ចប់ថ្នាក់បរិញ្ញាបត្រផ្នែកឌីហ្សាញ។

៤. មុនចូលច្រៀងក្នុងផលិតកម្ម M នីកូ ធ្លាប់ចូលច្រៀងក្នុងផលិតក្រៅស្រុក "អង្គរវត្ត" ហើយលោក ក៏ធ្លាប់បានច្រៀងរួមគ្នាជាមួយកំពូលតារាចម្រៀង មាស សុខសោភា ផងដែរ គឺបទ "You Are my Superstar” ហើយបទថ្មីបំផុតរបស់នីកូមានចំណងជើងថា "យុវជនខ្មែរ"។

៥. លោកធ្លាប់ច្រៀងចំនួន៤ផលិតកម្ម "អង្គរវត្ត" “M” និង "សាន់ដេ" ហើយសព្វថ្ងៃលោកជាតារាចម្រៀងរបស់ផលិតកម្ម ហង្សមាស។

៦. ចម្រៀងមួយបទដែលធ្វើឲ្យអ្នកគាំទ្រស្គាល់លោកច្រើនបំផុតគឺ "អោបបងនឹកគេ"។

៧. លោកជាតារាចម្រៀងសម័យ ប៉ុន្តែចំណង់ចំណូលចិត្តពិតប្រាកដរបស់លោក គឺសិល្បៈបុរាណដូចជា មហោរី ជាដើម និងរាល់កម្មវិធីជប់លៀងភាគច្រើន នីកូ ចូលចិត្តច្រៀងបទពីសង្គមដើម។

៨. ពណ៌ដែលលោកស្រលាញ់បំផុតគឺ ពណ៌ខ្មៅ និង បៃតងស្រាល ដោយសារលោកគិតថា ពណ៌ខ្មៅ គឺរឹងមាុំរឺឯ បៃតងស្រាលតំណាងឲ្យភាពផ្អែមល្ហែម។ សម្រាប់កីឡា នីកូ ចូលចិត្ត ការរត់ហាត់ប្រាណបំផុត ចំណែកអាហារ លោកចូលចិត្តអាហារជប៉ុនគ្រប់ប្រភេទ៕

អត្ថបទ៖ សាមឺឌី