ជាបុរសសម្បូរស្នេហ៍ តើបែរជាគ្មានអ្នកណាចង់ថតឈុតថើបជាមួយ ព្រោះទម្លាប់អាក្រក់នេះ

2020-08-24 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Jimmy Lin គឺជាតារាប្រុសសង្ហា ទាក់ចិត្តនារីៗជាច្រើនឲ្យលង់ស្នេហ៍ ដោយសារមន្តស្នេហ៍របស់លោក។ ចូលដល់ឆ្នាំថ្មី លោកមានអាយុ ៤៥ឆ្នាំហើយ និងមានកូន ៣នាក់ ប៉ុន្តែភាពស្រស់សង្ហា នៅតែមិនទៅណាឆ្ងាយពីលោក និងរក្សាតំណែងជាតារាប្រុសល្បីឈ្មោះទល់សព្វថ្ងៃប្រចាំប្រទេសចិន។

ទាំងសង្ហា ទាំងពូកែលេងសើច រួសរាយ និងចូលចិត្តជួយគ្រប់គ្នាជុំវិញខ្លួនមែន ប៉ុន្តែ Jimmy បែរជាជាប់ឈ្មោះក្នុងបញ្ជីខ្មៅ ក្លាយជាតារាប្រុសដែលតារាផ្សេងទៀតមិនចង់ថតឈុតថើបជាមួយ។ តារាស្រីដែលធ្លាប់រួមការងារជាមួយលោក សុទ្ធតែលាន់មាត់ថា ពួកគេមិនចង់សម្ដែងជាមួយតារាប្រុសរូបនេះម្ដងទៀតទេនៅថ្ងៃមុខ។ មូលហេតុមកពីអ្វី?

ពេលចូលរួមកម្មវិធីទូរទស្សន៍មួយ តារាចិន Jiang Xin បានរម្លឹកពេលថតឈុតថើបជាមួយ Jimmy ថា មុនពេលចាប់ផ្ដើមថត Jimmy បែបជាញ៉ាំខ្ទឹមស ទាំងមិនខ្វល់ថាខ្លួនត្រូវថតឈុតថើប និងមិនខ្វល់ថានឹងមានក្លិនមាត់ឡើយ។ ដល់ពេលត្រូវថត លោកក៏ត្រូវគេផ្អាកឲ្យឈប់សម្ដែង និងឲ្យទៅទំពារស្ករកៅស៊ូឲ្យបាត់ក្លិនសិន មុនថតជាផ្លូវការ។

មិនមែនតែ Jiang Xin ទេ សូម្បី Ruby Lin ក៏ធ្លាប់បង្ហើបពីបញ្ហានេះដែរថា ឲ្យតែមុនថតប៉ះឈុតថើប Jimmy Lin ចូលចិត្តញ៉ាំអាហារណាដែលមានក្លិន មិនខ្វល់ពីដៃគូរបស់ខ្លួនឡើយ៕