ឪពុក Messi បកស្រាយរឿងចរចាររវាងកូនប្រុសលោក និងក្លឹប Man City
- 2020-09-02 13:37:10
- ចំនួនមតិ 0 | ចំនួនចែករំលែក 0
ឪពុក Messi បកស្រាយរឿងចរចាររវាងកូនប្រុសលោក និងក្លឹប Man City
ចន្លោះមិនឃើញ
លោក Jorge Messi ដែលជាឪពុកបង្កើត និងជាភ្នាក់ងារកីឡាករផ្ទាល់របស់ខ្សែប្រយុទ្ធ Lionel Messi បានមកធ្វើការបកស្រាយរឿងចរចាររវាងខ្សែប្រយុទ្ធអាហ្សង់ទីនកីឡាករ Lionel Messi និងក្លឹប Manchester City ក្នុងអំឡុងពេលដែលលោកចុះមកដល់ទីក្រុង Barcelona ត្រៀមជួបថ្នាក់ដឹកនាំកំពូលៗក្លឹបនៅក្នុងថ្ងៃពុធនេះ។
លោក Jorge បាននិយាយទទួលស្គាល់ថា អនាគតរបស់ Messi ជាមួយ Barca អាចពិបាកនឹងកើតមានណាស់។
នៅពេលជាមួយគ្នានោះ លោកក៏បានបញ្ជាក់រឿង Messi រវាងក្លឹប Man City ផងដែរថា ការចរចាអីទាំងអស់ហ្នឹងមិនទាន់មានទេ ព្រោះលោកមិនទាន់បាននិយាយជាមួយលោក Pep Guardiola ដែលជាអ្នកចាត់ការក្លឹបនោះនៅឡើយទេ។
គួររំលឹកផងដែរថា កាលពីពេលថ្មីៗនេះមានសារព័ត៌មានជាច្រើនចុះផ្សាយថា Messi សុំចាកចេញពី Barca ហើយក្លឹបក៏យល់ព្រមដោយដាក់ក្នុងតម្លៃជាង ២៦០លានដុល្លារក្នុងការផ្ទេរចេញ៕