ដល់កហើយ! លទ្ធផលធ្វើតេស្តចេញមក The Rock និង គ្រួសារទាំងមូលសុទ្ធតែឆ្លងកូវីដ

2020-09-03 03:02:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាហូលីវូដ មានប្រភពចេញពីវិស័យកីឡាកាស Dwayne Johnson ឬ The Rock ត្រូវគេរាយការណ៍ថា លោក និងគ្រួសារទាំងមូលបានធ្វើឆ្លងមេរោគ COVID-19 ក្រោយធ្វើតេស្ត និងចេញលទ្ធផលមកមានសញ្ញាវិជ្ជមាន។

តារាសម្ដែងវ័យ ៤៨ឆ្នាំរូបនេះ បានទម្លាយដំណឹងនេះកាលពីថ្ងៃពុធម្សិលមិញ ដោយបាននិយាយថាប្រពន្ធរបស់លោក គឺ Lauren Hashian អាយុ ៣៥ឆ្នាំ និងកូនស្រី ២នាក់ (Jasmine អាយុ ៤ឆ្នាំ និងTiana អាយុ ២ឆ្នាំ) សុទ្ធតែធ្វើតេស្តចេញលទ្ធផលថាមានផ្ទុកមេរោគ COVID-19 ទាំងអស់។

The Rock និងភរិយា

The Rock និងកូនស្រីទាំង ២

The Rock បានប្រកាសព័ត៌មាននេះតាមរយៈគណនី Instagram ផ្លូវការទៅកាន់អ្នក Follow ចំនួន ១៩៦លាននាក់ ដោយបាននិយាយថា ជំងឺនេះជារោគឆ្លងដ៏សាហាវ និងឲ្យលោកជួបរឿងលំបាកច្រើនបំផុត ស្របពេលវាបានកើតឡើងក្នុងគ្រួសារទាំងមូល។

លោកបានបន្ថែមសាររំជួលចិត្តថា៖ «កាតព្វកិច្ចចម្បងរបស់ខ្ញុំពេលនេះគឺ ការពារគ្រួសារខ្ញុំ និងមនុស្សជាទីស្រឡាញ់ ខ្ញុំសង្ឃឹមថាមានតែខ្ញុំទេតែឆ្លងមេរោគនេះ ប៉ុន្តែវាដោយទាំងគ្រួសារទាំងមូល ហើយវាពិតជាឈឺចាប់ណាស់»។

បន្ថែមពីលើនេះ The Rock ក៏បានប្រាប់ថា ពេលនេះ គ្រួសារលោកកំពុងថែរក្សាសុខភាព និងជំនះឲ្យបានដើម្បីឲ្យមេរោគនេះឆាប់រលាយបាត់វិញ៕