មកស្គាល់រីសតថ្មីឡើងបៃតងខ្ចីនៅមណ្ឌលគីរី ល្បីមានទឹកជ្រោះស្អាតខ្លាំង ត្រូវម៉ាច់អ្នកស្រលាញ់ធម្មជាតិ

2020-09-06 02:54:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្មេចបើក ជិតដល់ភ្ជុំបិណ្ឌល្មម ក្រៅពីទៅវត្ត អ្នកកំពុងរៀបគម្រោងដើរលេងហើយមែនទេ ? ចង់សប្បាយប្លែកភ្នែក ប្លែកអារម្មណ៍ ឥលូវនេះត្រូវម៉ាច់ហើយ !

នៅខេត្តមណ្ឌលគីរីយើង មានរីស៊ត ថ្មីមួយទៀតហើយ ល្បីស្អាតខ្លាំងណាស់ ជាមួយទេសភាពធម្មជាតិបៃតងខ្ចីគ្រប់ជ្រុង បរិយាកាសបែបស្ងប់ស្ងាត់រ៉ូមែនទិច ឈ្មោះថា Nova Resort & Spa ។

Nova Resort & Spa មានទីតាំងស្ថិតនៅជាប់នឹងផ្លូវជាតិលេខ ៧៦ ផ្ទាល់ក្នុងស្រុកសែនមនោរម្យ ក្នុងខេត្តមណ្ឌលគិរីដែលមានផ្ទៃដីទំហំប្រមាណ ១៣០ហិចតា។

គ្រាន់តែចូលដល់ខ្លោងទ្វារ Nova Resort & Spa ភ្លាម អ្នកនឹងរំភើបរំជួលចិត្តជាមួយទេសភាពធម្មជាតិបៃតងខ្លីនៃ វាលស្មៅលាយឡំនឹងដើមឈើតូចធំ ចោលម្លប់ត្រឈឹងត្រឈៃ ហើយអ្វីដែលកាន់តែអង្រួនបេះដូងទៀតនោះ គឺ សម្រស់ទឹកជ្រោះដ៏សែនមនោរម្យ ។

បន្ទប់គេងមាន ២ប្រភេទ គឺ បន្ទប់បែប Studio Suite មានចំនួន ៥០ និង មានបន្ទប់បែបតង់ ចំនួន១០ ត្រូវបានដេគ័រឡើងយ៉ាងស្រស់ស្អាតតាមបែបព្រៃភ្នំ តែមានស្តង់ដារសុវត្ថិភាព ផាសុកភាពខ្ពស់ ដែលបំពេញបានតាមចំណង់ចំណូលចិត្តភ្ញៀវគ្រប់វ័យ មិនថាជាលក្ខណៈគ្រួសារ គូស្នេហ៍ ,មិត្តភ័ក្ដិ ឬ ម្នាក់ឯងក៏សប្បាយ (សូឡូ) ។ ទូទាំងរីសតទាំងមូល ត្រូវបានសម្អាត និងរក្សាអនាម័យយ៉ាងល្អជាប្រចាំ ឯបុគ្គលិកទាំងអស់ក៏ត្រូវបានណែនាំ និងអនុវត្តគោលការណ៍រក្សាអនាម័យយ៉ាងខ្ជាប់ខ្ជួន ដើម្បីការពារសុវត្ថិភាពភ្ញៀវ ក៏ដូចជាខ្លួនឯងពីកូវីដ១៩ ។

មិនតែប៉ុណ្ណោះ ខាងរីសត ក៏មានបម្រើជូនម្ហូបឆ្ងាញ់ៗ ជាច្រើនមុខយ៉ាងសម្បូរបែបក្នុងតម្លៃសមរម្យ ជាមួយការផ្តល់ជូន នូវកន្លែងលេង និងសកម្មភាពសប្បាយៗ ជាច្រើនដូចជា ៖ ទីធ្លាសម្រាប់រៀបចំកម្មវិធីផ្សេងៗ, កន្លែងអាំងសាច់, លេងកីឡាគ្រប់ប្រភេទ, ហែលទឹក (អាងហែលទឹក), ធាក់កង់, ជិះម៉ូតូកង់បីមួយសេរី, មើលទេសភាពជុំវិញរីសតដ៏ធំល្វឹងល្វើយនេះ។

នៅខាងក្រោយរីសតនោះក៏មាន ទឹកជ្រោះដ៏ធំត្រជាក់ភ្នែក ត្រូវម៉ាច់អ្នកចូលចិត្តមុជទឹកបែបធម្មជាតិព្រៃភ្នំ ដឹងតែឃើញហើយ ទប់ចិត្តមិនហែលលេងមិនបាន។

ទៅឃើញបានដឹង នៅ Nova Resort & Spa ស្អាតស្រស់ស្រាយគ្រប់ជ្រុងមែន ពិសេសបំផុតសម្រាប់អ្នកចូលចិត្តដើរលេងថតរូបជាមួយធម្មជាតិ និង គយគន់ថ្ងៃរះ និងថ្ងៃលិចបណ្តែតអារម្មណ៍ស្តាប់សម្លេងទឹកជ្រោះហូរ ជាមួយគូរស្នេហ៍ ឬក្រុមគ្រួសារ ធានារំសាយអស់ទុក្ខកង្វល់។ ទោះបីជានៅតំបន់ភ្នំមែន ប៉ុន្តែ Nova Resort មានប្រព័ន្ធ WIFI ដែលមានល្បឿនលឿនសម្រាប់អ្នកស្នាក់នៅ មិនឲ្យខូចអារម្មណ៍ នឹងទូរស័ព្ទគ្មានសេវាឡើយ។ ចំពោះទីតាំងចតឡានក៏ធំទូលាយ និងមានសុវត្ថិភាពផងដែរ។

រៀបរាប់មិនអស់ទេ ! ចង់ច្បាស់ គួរតែសាកនាំគ្រួសារ ឬ គូរស្នេហ៍ ឬ ណាត់មិត្តភ័ក្ដិទៅលេងកម្សាន្តដោយផ្ទាល់ម្តងទៅ ។ សម្រាប់ព័ត៌មានលម្អិតពី Nova Resort & Spa សូមទាក់ទង ៖