Alisson ប្រាប់ឈ្មោះក្រុមដែលគេចង់ចូលនិវត្តន៍ជាមួយ ប៉ុន្តែមិនមែន Liverpool ឡើយ
- 2020-11-13 02:45:18
- ចំនួនមតិ 0 | ចំនួនចែករំលែក 0
Alisson ប្រាប់ឈ្មោះក្រុមដែលគេចង់ចូលនិវត្តន៍ជាមួយ ប៉ុន្តែមិនមែន Liverpool ឡើយ
ចន្លោះមិនឃើញ
អ្នកចាំទីរបស់ Liverpool កីឡាករ Alisson បានប្រាប់ឲ្យដឹងថា គេចង់ត្រឡប់ទៅកាន់ក្លឹបដំបូងរបស់ខ្លួន Internacional ក្នុងប្រទេសប្រេស៊ីលដើម្បីបញ្ចប់អាជីពបាល់ទាត់នាពេលអនាគត។
Alisson ចាប់ផ្ដើមលេងអាជីពដំបូងជាមួយ Internacional ក្នុងឆ្នាំ២០១៣ ដោយបង្ហាញខ្លួនបាន១១៥ប្រកួត ហើយវាក៏ជាក្លឹបយុវជនរបស់គេផងដែរ។ បន្ទាប់ពីបង្ហាញសមត្ថភាពល្អ កីឡាករវ័យ២៨ឆ្នាំបានផ្លាស់មកកាន់ Roma រួចមកនៅជាមួយ Liverpool ឈ្នះពានធំៗដូចជា Premier League និង Champions League។
បច្ចុប្បន្នគេត្រូវបានចាត់ទុកជាអ្នកចាំទីល្អជាងគេម្នាក់ក្នុងលោក ប៉ុន្តែក្នុងពេលខាងមុខគេចង់ត្រឡប់ទៅកាន់ប្រទេសកំណើតវិញដើម្បីព្យួរស្បែកជើង។ និយាយប្រាប់សារព័ត៌មាន Alisson ថា គេចង់ទៅប្រេស៊ីលវិញ។ គេមានការគោរពដល់ក្លឹបនៅប្រេស៊ីលជាច្រើន ប៉ុន្តែមិនអាចភ្លេចក្លឹប Internacional បានឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
