សុខ សុវណ្ណ ទម្លាយមូលហេតុចូលនិវត្តន៍ពីបាល់ទាត់ត្រឹមវ័យ ៣០ ឆ្នាំ

2020-12-14 02:06:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតខ្សែការពារជម្រើសជាតិបាល់ទាត់កម្ពុជា សុខ សុវណ្ណ ទម្លាយមូលហេតុចូលនិវត្តន៍ពីបាល់ទាត់ត្រឹមវ័យ ៣០ ឆ្នាំ ក្រោយចាប់ផ្ដើមអាជីពនេះចំនួន ២០ ឆ្នាំ។

ខ្សែការពាររបស់វិសាខាបានប្រកាសកាលពីពេលថ្មីៗនេះ សម្រេចចាកវិញពីសមរភូមិបាល់ទាត់ ។ អតីតខ្សែការពារបឹងកេតរូបនេះបានប្រាប់ពីរឿងហេតុដែលនាំឲ្យខ្លួនចាកចេញពីវិស័យនេះថា «បាទបង! តាមពិតខ្ញុំឈប់នេះ គឺដោយសារគ្រួសារគាត់ចង់ឲ្យឈប់ ព្រោះពួកគាត់អាណិតខ្ញុំ ដែលឃើញខ្ញុំមានរបួសត្រូវវះកាត់ធ្ងន់ធ្ងរ។ ចឹងហើយក៏ឈប់ទៅបង»។

សុខ សុវណ្ណ មិនទាន់កំណត់គោលដៅរបស់ខ្លួនបាន១០០ % ក្នុងការប្រកបការងារថ្មីឡើយ បើទោះបានប្រកាសលាឈប់ពីបាល់ទាត់ហើយក្ដី។ រំលឹកថាខ្សែការពារខាងលើ បានរងរបួសធ្ងន់ធ្ងរដាច់សរសៃជង្គង់ ACL អំឡុងប្រកួតទល់ក្រុម Soltilo Angkor កាលពីថ្ងៃទី៨ ខែកុម្ភៈ ឆ្នាំ២០២០ នៅទឹកដីខេត្តសៀមរាប រហូតមកដល់ពេលនេះរបួសរបស់គេបានជាសះស្បើយ ១០០ %៕

អត្ថបទ៖ ស្រី សុវណ្ណដារ៉ា