កម្រមានតារាខ្មែរណា បានភ្លក់ស្រាដែលធ្វើផ្ទាល់ដៃរបស់លោក ផាទ្រីក មើហ្វី ដូច អេដា ណាស់!

2020-12-14 04:05:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Original Song កញ្ញា អេដា និងសង្សារដែលជាអ្នកជំនួញជនជាតិអាមេរិកឈ្មោះ Allen បានភ្លក់រសជាតិស្រាបៀរដែលជាស្នាដៃផ្ទាល់របស់លោក ផាទ្រីក មើហ្វី ជាលើកទី១ ក្នុងឱកាសដែលអ្នកទាំងពីរបានជួប និងពិសាអាហារពេលល្ងាចជាមួយឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា រូបនេះ។

កាលពីយប់ថ្ងៃទី១២ ខែធ្នូ កញ្ញា អេដា និងសង្សារ បានជួបលោក ផាទ្រីក មើហ្វី និងកូនស្រីរបស់លោកឈ្មោះ ជីលាន នៅឯគេហដ្ឋានរបស់ឯកអគ្គរដ្ឋទូតរូបនេះផ្ទាល់។ អេដា មិនបានទម្លាយពីគោលបំណងធំ នៃការពិភាក្សា ឬពិសាអាហារពេលល្ងាចដ៏កម្រនេះទេ។ ប៉ុន្តែអេដា អះអាងថា រូបនាងពិតជាមានសំណាងដែលបានភ្លក់រសជាតិស្រាបៀដ៏ឈ្ងុយឆ្ងាញ់ក្នុងឱកាសជួប និងពិសាអាហារពេលល្ងាចនៅថ្ងៃនោះ។

អេដា៖"ពួកយើងបានភ្លក់ស្រាបៀដែលគាត់ធ្វើដោយផ្ទាល់ដៃនៅផ្ទះរបស់គាត់...ពិតជាមិនធម្មតាទេ"។

តារាចម្រៀង អេដា បានឃ្លាតឆ្ងាយបន្តិចពីវិស័យសិល្បៈ ជាពិសេសការផលិតបទចម្រៀងថ្មីៗនៅចុងឆ្នាំ២០២០ នេះ ក្រោយពីគេមើលឃើញថារូបនាងទទួលបានជោគជ័យខ្លាំងក្នុងអាជីវកម្មលក់ផលិតផលសម្អាង។ ទន្ទឹមគ្នានេះនាង និងសង្សារ ក៏មិនដែលឃើញនៅស្ងៀមដែរក្នុងការជួបអ្នកជំនួញដូចគ្នា និងអ្នកមុខអ្នកការទាំងក្នុង និងក្រៅប្រទេស ដើម្បីពង្រីកសម្ពន្ធភាព និងការរកស៊ីរបស់ពួកគេ៕

អត្ថបទ៖ ជិន សុភ័ក្ដ្រ