CriminalX នៅតែឈរកំពូលតារាងសប្ដាហ៍ទី២ នៃការប្រកួតសន្សំពិន្ទុ N.E.T 2020 Team Challenge

2020-12-21 08:37:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមCriminalX នៅតែខ្លាំងនិងរក្សាខ្លួនបានឈរលេខ១ កំពូលតារាង នៃការប្រកួតសប្ដាហ៍ទី២ នៃវគ្គជម្រុះ Team Challenge សន្សំពិន្ទុស្វែងរក Clan ខ្លាំង 8 ទៅប្រកួត N.E.T 2020 ។

ការប្រកួតកីឡាអេឡិចត្រូនិក AK2 វគ្គជម្រុះ Team Challenge សន្សំពិន្ទុស្វែងរក Clan ខ្លាំង 8 ទៅប្រកួត N.E.T 2020 បានបញ្ចប់សប្ដាហ៍ទី២ហើយ។ ដោយក្នុងនោះ តំណែងកំពូលតារាងមិនមានអ្វីប្រែប្រួលនោះទេ ពោលគឺក្រុមCriminalX នៅតែខ្លាំង និងស្វែងរកពិន្ទុបានច្រើនជាងគេ។

ខណៈដែលចំណាត់ថ្នាក់ដទៃទៀតមានការប្រែប្រួលច្រើនដូចជា King Over សប្ដាហ៍ទី១នៅលេខ២ នោះ បានធ្លាក់ដល់លេខ៩ក្នុងតារាងទៅហើយ។ យ៉ាងណាមិញ ការប្រកួតនៅសល់២សប្ដាហ៍ទៀតឯណោះក្នុងការស្វែងរកជើងខ្លាំងដែលអាចនឹងដឹងនៅថ្ងៃទី៣ខែមករាឆ្នាំ២០២១។

សម្រាប់ការប្រកួតវគ្គជម្រុះថ្នាក់ជាតិ N.E.T 2020 នេះនឹងកំណត់យកកំពូលពិន្ទុ Clan ទាំង ១០ ប្រចាំសប្តាហ៍ (អំឡុងពេល ៤សប្ដាហ៍ )។ Clan ទាំង ១០ នឹងយកតែ៨ក្រុម ប៉ុណ្ណោះក្នុងសប្ដាហ៍ចុងក្រោយ ដើម្បីយកទៅប្រកួតជម្រុះ Offline LAN Tournament ហើយយកជើងខ្លាំងចំនួន ២ក្រុម ដែលតំណាងអោយព្រះរាជាណាចក្រកម្ពុជា ទៅចូលរួមការប្រកួត MATIC 2021 ជាមួយបណ្ដាប្រទេសចំនួន ៣ទៀត មានដូចជា ថៃ ម៉ាឡេស៊ី និងចិន។

ដោយឡែកសម្រាប់ការប្រកួត ROAD TO MATIC 2021 នេះគឺមានរង្វាន់សរុបចំនួន ២៧ ០០០ដុល្លារ។ សម្រាប់ការប្រកួតនេះផងដែរ ដោយគិតពីគោលការណ៍របស់ក្រសួងសុខាភិបាល ដោយតម្រូវអោយមានការប្រកួតធ្វើឡើងជាលក្ខណៈ Online ដើម្បីបញ្ចៀសពីការរីករាលដាលនៃការឆ្លងជម្ងឺ កូវីត ១៩ ( COVID-19 )៕

អត្ថបទ៖ ប្រុស យុទ្ធ