ភ្ញាក់ព្រើត! ម៉ាក សែនសូនីតា និងស្វាមី ទិញកាដូមានតម្លៃមិនក្រោម១៧ម៉ឺនដុល្លារជូនប៉ា-ម៉ាក់ ល្ងាចមិញ

2021-02-05 04:33:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែងស្រីរូបស្រស់ ម៉ាក សែនសូនីតា និងស្វាមី មានមុខរបរលក់គ្រឿងអង្កាមួយនៅរាជធានីភ្នំពេញ បានប្រគល់កាដូយ៉ាងសម្បើមមួយដល់ប៉ា-ម៉ាក់ខាងស្វាមីល្ងាចមិញ។ នោះគឺឡានToyota មួយគ្រឿងម៉ាក Granvia ដែលគេប៉ាន់តម្លៃថាមិនក្រោម១៧ម៉ឺនដុល្លារឡើយ។

អ្នកនាង ម៉ាក សែនសូនីតា បានបញ្ចេញព័ត៌មាននេះតាមបណ្ដាញសង្គមIG ដោយនិយាយថា៖"ឆ្នាំថ្មី ហេង ហេង កាដូធំមួយជូនប៉ា-ម៉ាក់ ហើយប៉ា-ម៉ាក់ និយាយថាមានឡានហ្នឹងស្រួលដឹកបូនីតូដើរលេង"។

មា៉ក សែនសូនីតា ទើបបង្កើតបានកូនប្រុសដំបូងដ៏គួរស្រឡាញ់ម្នាក់ជាមួយបុរសអ្នកជំនួញខាងត្បូងម្នាក់ បន្ទាប់ពីរៀបការបានជាង១ឆ្នាំ។ ក្រោយពីរៀបការពួកគេ ហាក់សមប្រកបខ្លាំងណាស់ទាំងរឿងស្នេហាផ្អែមល្ហែម និងរកស៊ីកាក់កប រហូតមកដល់ថ្ងៃនេះស្រាប់តែលេចរូបភាពរូបនាង និងស្វាមី ទិញឡានថ្មីមួយគ្រឿងពីក្រុមហ៊ុន ហេង ហ៊ុយ អូតូខា ធ្វើជាកាដូជូនប៉ាម៉ាក់ល្ងាចមិញតែម្ដង។

នៅក្នុងវីដេអូខ្លីបង្ហាញពីសកម្មភាពទម្លាក់ឡានទើបទិញនោះចុះដល់ផ្ទះប៉ាម៉ាក់ក្មេងរបស់ម៉ាក សែនសូនីតា ល្ងាចមិញ បង្ហាញថា ប៉ាម៉ាក់ក្មេងនាងត្រេកអរយ៉ាងខ្លាំងហើយឡើងជិះឡាននោះសាកមើលទៀតផង។ បន្ទាប់ពីបានឡើងជិះឡានសាករួចហើយអ្នកមានគុណរបស់ពួកគេ បានកាន់ខ្សែបូ រួចឈរទន្ទឹមគ្នាជូនពរដល់កូនៗឲ្យមានសេចក្ដីសុខ និងរីកម្រើនក្នុងការរកស៊ីក្នុងឆ្នាំថ្មីឆ្នាំ២០២១ នេះ៕

អត្ថបទ៖ ជិន សុភ័ក្ដ្រ