ភាគបន្តក្តៅគគុក! អាមេរិច បង្ខំឲ្យក្រុមហ៊ុនចិនផលិត Super Computer មកចុះបញ្ជីសារថ្មី

2021-04-10 05:12:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងពាណិជ្ជកម្មអាមេរិក បានចេញសេចក្តីថ្លែងការណ៍បន្ទាន់មួយស្ដីពីទណ្ឌកម្មពី ក្រុមហ៊ុនបច្ចេកវិទ្យាចិន ផលិតបាន Super Computer សរុបទាំង ៧ ត្រូវមកចុះបញ្ជីសារថ្មី ឬដាក់ពាក្យសុំធ្វើជំនួញឡើងវិញ ជាពិសេសនោះគឺ ត្រូវសុំការអនុញ្ញាតពិសេសសម្រាប់ការនាំចេញនិងចូលផលិតផលអាមេរិក។

កុំព្យូទ័រកម្លាំងខ្លាំង របស់ក្រុមហ៊ុន Sunway TaihuLight

អ្វីដែលគេភ្ញាក់ផ្អើលពីទណ្ឌកម្មថ្មីទំនាក់ទំនងរវាងចិន-អាមេរិក មិនមែនតែសំដៅលើក្រុមហ៊ុនមួយឬពីរនោះទេ។ ចំណោមក្រុមហ៊ុនចិនទាំងអស់សរុប ៧ ស្ថិតក្នុងបញ្ជីខ្មៅរបស់អាមេរិក នៅក្នុងនោះក៏មានក្រុមហ៊ុនឈានមុខគេមួួយឈ្មោះថា Sunway TaihuLight ក្នុងខេត្តជាំងស៊ូ (Jiangsu) មានមូលដ្ឋាននៅភាគខាងកើតប្រទេសចិន ដែលធ្លាប់កាន់កំណត់ត្រាផលិតម៉ាស៊ីនកុំព្យូទ័រប្រភេទ Super Computer លឿនបំផុតលើលោកកាលពីឆ្នាំ ២០២១៦ ។

ក្រុមហ៊ុនដែលផលិតបានម៉ាស៊ីនកុំព្យូទ័រកម្លាំងខ្លាំង ចិន ក្នុងគោលដៅប្រើក្នុងវិស័យបច្ចេកវិទ្យាសម្រាប់សិក្សាអាកាសធាតុ ស្រាវជ្រាវផ្នែកកងទ័ព និងការបញ្ជាពីចម្ងាយលើបេសកម្មអវកាសរបស់ខ្លួនផងដែរ។

ទង្វើរបស់ក្រសួងពាណិជ្ជកម្មអាមេរិកខាងលើនេះត្រូវបានគេដឹងថា ជាការព្រួយបារម្ភកាន់តែខ្លាំងចំពោះ ចិន ដែលខ្លួនធ្លាប់ចោទប្រកាន់ថា បានលួចបច្ចេកវិទ្យានិងកម្មសិទ្ធបញ្ញារបស់អាមេរិក ដោយប្រើប្រាស់កុំព្យូទ័រកម្លាំងខ្លាំង ចូលទៅចម្លងយកគំនិត និងចំណេះដឹងផ្នែកបច្ចេកវិទ្យាផ្សេងៗ។

កុំព្យូទ័រកម្លាំងខ្លាំង របស់ក្រុមហ៊ុន Sunway TaihuLight

រំឮកផងដែរថា នៅឆ្នាំ ២០២០ កំពូលកុំព្យូទ័ររបស់ក្រុមហ៊ុន Sunway បានធ្លាក់មកចំណាត់ថ្នាក់លេខ ៤ ។ ចំពោះប្រទេសដែលបានកុំព្យូទ័រកម្លាំងខ្លាំងផុតលេខនៅឆ្នាំ ២០២០ កន្លងទៅ ក្រុមការងារនឹងចុះផ្សាយលម្អិតនៅអត្ថបទបន្ទាប់៕

ប្រភព៖ CNA ប្រែសម្រួល៖ រក្សា