មុខងារចាក់សោបង្វិលអេក្រង់ (Orientation Lock) ជាអ្វីដែលម្ចាស់ iPhone ឧស្សាហ៍ប្រើប្រាស់ ប៉ុន្ដែវាអាចនឹងរំខានបន្ដិច ខណៈអ្នកប្រើបើកមុខងារនេះ ឬភ្លេចបិតវិញ។

ឧទាហរណ៍ថា អ្នកចាក់វីដេអូលើ YouTube ប៉ុន្ដែអ្នកបើកមុខងារ Orientation Lock នេះចោល នោះនឹងរំខានអ្នកទៅបិតមុខងារនេះវិញមិនឈប់មិនឈរ។ ដើម្បីដោះស្រាយបញ្ហានេះ អ្នកអាចកំណត់ឱ្យបិតមុខងារបង្វិលអេក្រង់ដោយស្វ័យប្រវត្តិ រាល់ពេលចាក់វីដេអូលើ YouTube តាមវិធីខាងក្រោមនេះ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

របៀបកំណត់បិតមុខងារ Orientation Lock ដោយស្វ័យប្រវត្តិពេលចាក់វីដេអូលើ YouTube៖

• បើកកម្មវិធី Shortcuts > ជ្រើសយកមុខងារ Automations

• ចុចយកប៊ូតុង “+” > Create Personal Automation > App > YouTube > Is Opened > Next

• Add Action > Set Orientation Lock

• Toggle > Turn > Off

• Ask Before Running (ទាញបិត) > don’t ask > done ជាការស្រេច (ដើម្បីដំណើរមុខងារនេះ ដោយមិនបាច់លោតសួរអ្នកប្រើរាល់ពេលបើកកម្មវិធី YouTube)

គួរបញ្ជាក់ថា បន្ទាប់ពីអ្នកបើកកម្មវិធី YouTube រហូតដល់បិតវិញ មុខងារបង្វិលអេក្រង់នឹងបិតរហូតផងដែរ។ ប៉ុន្ដែបើអ្នកចង់ឱ្យពេលបិតកម្មវិធី YouTube ឱ្យមុខងារបង្វិលអេក្រង់បើកវិញដោយស្វ័យប្រវត្តិដែរនោះ អ្នកគ្រាន់តែបង្កើត Automation មួយថ្មីទៀត តាមវិធីខាងលើ។ ដោយមកដល់ចំណុច “Is Opened” ប្ដូរ “Is Closed” និង Turn orientation On តាមរូបភាពខាងក្រោមនេះ ជាការស្រេច៕

ប្រភព៖ HowToGeek   ប្រែ​សម្រួល៖ កុសល