ទើបប្រទះ Short Film មួយរបស់ រ៉េត សារីតា មើលហើយ បើមិនផ្ទុះសំណើចមិនដឹងខ្លួនទេ ហ៊ានភ្នាល់!

2021-05-12 01:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា រ៉េត សារីតា ដែលកំពុងស្នាក់នៅអាមេរិក ត្រៀមសម្រាប់ការប្រកួតផ្ដាច់ព្រាត់នោះ បានសម្រេចសមិទ្ធផលសម្ដែងភាពយន្តប៉ុន្មានរឿងក្នុងនោះមានរឿង "Music Magic Love” ផលិតក្នុងឆ្នាំ ២០២០ និងមួយរឿងនេះ ផលិតតាំងឆ្នាំ ២០១៧ តែល្អមើលអស់ទាស់។

រឿងនេះមានចំណងជើងថា "ចាប់ជំរិត" ឬ "Kidnap” ដែលផលិតដោយក្រុមយុវជនមួយក្រុមរបស់កម្ពុជា។ ភាពយន្តដែលមានរយៈពេលជាង ១៨នាទី បានផ្ដើមពីសកម្មភាពចាប់អារម្មណ៍របស់តួប្រុសឈ្មោះ "ឡុង"។ ឡុង បានពង្រត់នារីម្នាក់ ដែលរូបគេបានស្គាល់រយៈពេលខ្លីប៉ុណ្ណោះ នៅក្នុងបណ្ដាញសង្គម។ កំលោះ បាននាំនាងទៅឃុំនៅក្នុងផ្ទះចាស់មួយនៅឯខេត្តកំពត។

សកម្មភាពនេះ សួរថា ឡុង ចង់បានលុយពីក្រុមគ្រួសាររបស់ តួស្រី ដែលសម្ដែងដោយ រ៉េត សារីតា នោះមែនទេ? ចម្លើយគឺអត់ទេ...អីចឹង ឡុង ចង់ធ្វើបាបនារីតូចត្រូវទេ? ចម្លើយ ក៏អត់ដែរ...តែអ្វីដែលកំលោះបែកហ្សឺរូបនេះធ្វើ គឺគ្រាន់តែបង្អួតមិត្តភក្តិប៉ុណ្ណោះ។

ចម្លែកណាស់ ប្រថុយប្រថុយខ្លួនធ្វើជាឧក្រិដ្ឋចាប់នារីម្នាក់ទៅ ដើម្បីតែអួតមិត្តភ័ក្តិ! ស្លុយណាស់ កំប្លែងណាស់ ហើយក៏រៀងឡប់តិចៗដែរ។ អីចឹងហើយបានថា រឿងនេះ ១០០% ប្រិយមិត្តមើលហើយ ដំបូងផ្ដើមញញឹមៗ បន្តមក ក៏ផ្ទុះសំណើចទាំងភ្លេចខ្លួន។ បើមិនជឿ ទស្សនាទាំងអស់គ្នា ហើយប្រសិនបើមិនដូចអ្វីដូចការអះអាងខាងលើ ហ៊ានភ្នាល់!