រៀបការជិត៣ឆ្នាំហើយ នី រតនា ទើបប្រកាសថាលោកសម្រេចនូវបំណងធំមួយក្នុងជីវិត

2021-05-24 03:37:51
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រុសរបស់ផលិតកម្មរស្មីហង្សមាស នី រតនា ប្រកាសថាលោកបានសម្រេចក្ដីបំណងមួយដែលលោកបានប៉ងប្រាថ្នាជាយូរនោះមកហើយ។ នោះគឺក្ដីសុខ និងសុខភមង្គលក្នុងគ្រួសារ បន្ទាប់ពីតារាចម្រៀងមាឌស្ដើងរូបនេះបានចាប់ដៃជាមួយកូនស្រីអ្នកជំនួញម្នាក់ ហើយថែមទាំងបង្កើតបានកូនស្រីម្នាក់ទៀត។

នី រតនា បានបង្ហោះសារខ្លីមួយដោយភ្ជាប់ជាមួយរូបថតជាច្រើនសន្លឹកនៅលើគណនីFacebook ផ្ទាល់ខ្លួនថា៖"**ក្ដីសុខដែលខ្ញុំចង់បាននោះ...ពេលនេះបានដូចបំណងហើយ! ចុះអ្នកវិញ?"។

នី រតនា គឺស្ថិតនៅក្នុងចំណោមអ្នកសិល្បៈដែលមានសុភមង្គលខ្លាំង ហើយតែងតែបង្ហាញភាពស្និទ្ធស្នាលជាមួយនឹងកូន និងភរិយា។ ក្នុងនោះមានដូចជាគ្រួសារតារាចម្រៀង សួស វីហ្សា គ្រួសារតារាសម្ដែង គង់ ចាន់ស្រីមុំ និងគ្រួសារតារាចម្រៀង ឱក សុគន្ធកញ្ញា ជាដើម។

តារាចម្រៀង នី រតនា បានរៀបការជាមួយកូនស្រីអ្នកជំនួញម្នាក់ឈ្មោះ ហេង សុវណ្ណភក្ដិណា កាលពីថ្ងៃទី១៨ ខែមករា ឆ្នាំ២០១៩។ ១ឆ្នាំក្រោយមក រូបលោក និងភរិយា បង្កើតបានចំណងស្នេហ៍រួមឈាមមួយ នោះគឺកូនស្រីដ៏គួរឲ្យស្រឡាញ់។ ចាប់តាំងពីពេលនោះមក លោក នី រតនា តែងតែបង្ហាញភាពស្និទ្ធស្នាលជាមួយគ្រួសារ ប៉ុន្ដែទើបតែពេលនេះទេដែលលោកប្រកាសថាលោកទទួលបានក្ដីសុខ តាមបំណងរបស់លោកហើយ៕

អត្ថបទ៖ ជិន សុភ័ក្ដ្រ