តូតា ឆ្លើយតបវិញ ពេលមានបុរសម្នាក់ ចូលមក Comment រឿងនាងពាក់អាវហាត់ប្រាណ

2021-05-26 06:53:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាសម្ដែងអ្នកនាង ម៉ាក សែនសូនីតា (តូតា) បង្ហោះសារហួសចិត្តប៉ុន្មានឃ្លា ក្រោយមានបុរសម្នាក់ប្រើប្រាស់បណ្ដាញសង្គមហើយចូលមក Comment លើរឿងនាងពាក់អាវវាលចេញសាច់ពេលហាត់ប្រាណ។

តូតា ត្រូវបានអ្នកលេងបណ្ដាញសង្គមមួយចំនួនតូចពោលពាក្យរិះគន់នាងរឿងសម្លៀកបំពាក់ហាត់ ប្រាណមានសភាពសិចស៊ីចេញសាច់ ក្នុងនោះក៏មានប្រិយមិត្តបានសំណូមពរឲ្យនាងពិចារណ៍លើសកម្មភាពរបស់នាងផងដែរ។ ប្រិយមិត្តលើកឡើងថា ”ជាសំណូមពររបស់ខ្ញុំ យើងជាតារាសម្ដែងមួយ រូបគួរណា ស្លៀកពាក់ជាគំរូដល់អ្នកដទៃ”។

ក្រោយឃើញយ៉ាងដូច្នេះ អ្នកម៉ាកសាច់សខ្ចីរូបនេះមិនបង្អង់យូក៏ដាច់ ចិត្តបង្ហោះ សារជាការឆ្លើយតទៅកាន់ប្រិយមិត្តដែលលើកឡើងពីរឿងនាងរឿងពាក់អាវហាត់ប្រាណចេញសាច់ វាលខ្នង បែបនេះ។ តូតា ថ្លែង ៖” សូមជួយបែងចែកអោយដាច់ផង រវាងអាវកីឡានឹងអាវទ្រនាប់ឈុតកីឡា បែបនេះ គេពាក់ពេញពិភពលោក ហើយក៏គេផុសពេញនៅលើ social media គេដែល (មិនតារាមិន ថាអ្នកធម្មតា) តែសំរាប់តារាខ្មែរគឺអត់បានទ ខុសរហូត..”។

តូតា បានរៀបការជាមួយផលិតករ ប៉ុល វិបូ ហៅ នីត កាលពិឆ្នាំទៅ មកដល់បច្ចុប្បន្ននាងមានបុត្រម្នាក់។ តារាស្រីរូបនេះ គេមើលឃើញថា មានសំណាងបានស្វាមីស្រឡាញ់ និងថ្នាក់ថម។ ម្សិលមិញនេះ នាងទើបតែទទួលបានកាដូរថយន្តតម្លៃជិត ១០ម៉ឺនដុល្លារពីស្វាមីទៀតផង។ ចំណុចគួរកត់សម្គាល់បន្ថែមទៀត បើទោះមានស្វាមី មានទាំងកូនថែមទៀតក៏ដោយ ប៉ុន្តែគេឃើញ តូតា រឹតតែស្អាត សាច់ស ពិសេសរាងនៅតែស្អាត ក្នុងនោះ គេឃើញនាង ខំប្រឹងហាត់ប្រាណជាប្រចាំ៕