ជូនតាមសំណូមពរ! ស្ថិតិស៊ុតរបស់ កែវ សុខផេង ជាមួយជម្រើសជាតិ

2021-07-16 01:43:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កែវ សុខផេង ជាខ្សែប្រយុទ្ធរបស់ក្លឹបវិសាខាបច្ចុប្បន្ន ហើយក៏ជាកីឡាករនៅតែមានឥទ្ធិពលក្នុងក្រុមជម្រើសជាតិ ដោសារការជាប់ជម្រើសជាតិតួយ៉ាងដូចជាកាលទៅលេងនៅបារ៉ែនកាលពីពេលថ្មីៗនេះយ៉ាងដូច្នេះដែរ។ ដោយសារមានប្រិយមិត្តសំណូមពរឲ្យនិយាយពីស្ថិតិលេងនៅជម្រើសជាតិកម្ពុជារបស់ខ្សែប្រយុទ្ធវិសាខា កែវ សុខផេង ពេលនេះ Sabay សូមធ្វើការរៀបរាប់ជូន។

ខ្សែប្រយុទ្ធរបស់វិសាខាបានចាប់ផ្ដើមលេងឲ្យជម្រើសជាតិនៅឆ្នាំ២០១៥ ដែលពេលនោះគេជាប់ទាំងឈុតយុវជនក្រោមអាយុ២៣ឆ្នាំ និងឈុតធំ។ លេងឲ្យ U23 ចំនួន៦ប្រកួតរកបាន៣គ្រាប់។ ចំណែកការលេងឲ្យឈុតធំរបស់គេវិញចាប់ពីឆ្នាំ២០១៥ដល់បច្ចុប្បន្នលេងបាន៤៩ប្រកួតរកបាន១១គ្រាប់។ ដូច្នេះសរុបការលេងឲ្យជម្រើសជាតិទាំងឈុតធំ និងយុវជនគេលេងបាន៥៥ប្រកួត រកបាន១៤គ្រាប់។

កែវ សុខផេង បានចាប់ផ្ដើមចូលលេងក្លឹបអាជីពនៅឆ្មាំ២០១២ដែលពេលនោះគេលេងឲ្យបឹងកេតដល់ឆ្នាំ២០១៥ក្នុងការលេងឲ្យបឹងកេត៤រដូវកាលគេបង្ហាញខ្លួនបាន៣៧ប្រកួតរកបាន២១គ្រាប់។ ក្រោយមកនៅចុងឆ្នាំ២០១៥ គេក៏ត្រូវបានផ្ទេរទៅកាន់ភ្នំពេញក្រោន ហើយរួមរស់ជាមួយភ្នំពេញក្រោនដល់ឆ្នាំ២០១៧ ចូលលេងបាន៥១ប្រកួតរកបាន២៧គ្រាប់។ ក្រោយមកឆ្នាំ២០១៨គេក៏ផ្ទេរទៅកាន់ក្លឹប Perak FC II ដែលជាក្លឹបក្នុងក្របខណ្ឌ Malaysia Premier League នៅទីនោះលេងបាន៤ប្រកួតរកបាន១គ្រាប់។ ក្នុងឆ្នាំ២០១៨ដដែលគេត្រូវបានវិសាខាទាក់ទងមកវិញ ហើយលេងឲ្យវិសាខាដល់បច្ចុប្បន្នចូលលេងបាន៥៦ប្រកួតរកបាន៣៨គ្រាប់ផងដែរ៕