រឿងពិតអ្វីខ្លះគួរដឹងពី Jeongyeon នារីបេះដូងកក់ក្ដៅតែងខ្វល់គេឯង និងជាកូនចុងភៅប្រពៃណីកូរ៉េ?

2021-07-16 05:54:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីមិនសូវចេញមុខចេញមាត់ខ្លាំងដូចសមាជិកផ្សេងទៀតរបស់ TWICE ប៉ុន្តែសមាជិកដែលទទួលតួនាទី Lead Vocalist ប្រចាំក្រុម TWICE គឺ Jeongyeon ក៏ជាសំណព្វចិត្តរបស់ ONCE ទាំងអស់ដែរ។

នាងបានដើរតួយ៉ាងសំខាន់ក្នុងការទប់លំនឹងក្រុម និងនាំក្រុមមានឈ្មោះល្បីដូចសព្វថ្ងៃ។ បើនិយាយពីចរិត នាងប្រៀបដូចជាអ្នកម្ដាយរបស់ក្រុម ដោយសារតែការយកចិត្តទុកដាក់ និងបេះដូងចាស់ទុំខ្វល់ខ្វាយពីសមាជិកក្រុម។

ដូច្នេះក្រៅពីចំណុចខាងលើ នៅមានអ្វីទៀតដែលអ្នកគួរដឹងបន្ថែម ពី Jeongyeon?

១. នាងមានឈ្មោះកំណើត Yoo Kyung Wan ប៉ុន្តែក្រោយមកក៏បានប្ដូរមកជា Yoo Jeong Yeon វិញ ពេលរៀនថ្នាក់ទី៣ នេះក៏ព្រោះមានអ្នកលេងសើចថានាងមានឈ្មោះដូចប្រុស។ នាងកើតនៅថ្ងៃទី ០១ ខែវិច្ឆិកា ឆ្នាំ១៩៩៦ (តារានិករ: Scorpio)។

២. ងាកទៅគ្រួសារ នាងមានឪពុកជា ចុងភៅម្ហូបប្រពៃណីកូរ៉េដ៏ល្បីឈ្មោះ គឺលោក Yoo Chang Joon។ ឯម្ដាយធ្វើការនៅភោជនីយដ្ឋានជប៉ុន ដែលមានម្ដាយមីងនាងជាថៅកែ។ នាងមានបងស្រី ២នាក់ គឺ Gong Seungyeon (តារាសម្ដែង) និង Seo Yeon (អ្នកធ្វើការការិយាល័យ)។ ជាក់ស្ដែង Jeongyeon ក៏ត្រូវជាសាច់ថ្លៃនឹង Somin (ក្រុម KARD) ដែរ។

៣. ពេលបោះឆ្នោតជ្រើសមេក្រុម សមាជិកទាំងអស់ត្រូវបានតម្រូវឲ្យបោះឆ្នោតដោយខ្លួនឯង ដោយឡែកបន្ទាប់ពី Jihyo មានអ្នកជ្រើសយក Jeongyeon ជាមេក្រុមទី ២។

៤. នាងជាមនុស្សចូលចិត្តភាពស្អាតបាត អនាម័យ ដូច្នេះនាងចូលចិត្តសម្អាតនេះនោះណាស់ ឬអាចនិយាយបានថាជាសមាជិក ឧស្សាហ៍ប្រចាំក្រុម។

៥. Jeongyeon ចូលចិត្តញ៉ាំ Tteokbokki, សាច់ និង Golbangee Muchim។ នាងមិនសូវជាចូលចិត្តសាឡាដទេ។

៦. នាងមិនប្រើទឹកអប់ទេ ប៉ុន្តែជំនួសដោយការប្រើជាផលិតផលលាបខ្លួនឲ្យក្រអូប ឬ Body Mist វិញ។

៧. ក្នុងចំណោមសមាជិកទាំងអស់ Jeongyeon ជាអ្នកដែលក្លាហាន ហើយនាងគឺជាអ្នកដែលចាប់កន្លាត ព្រោះអ្នកផ្សេងទៀតសុទ្ធតែខ្លាច ហើយអ្នកដែលខ្លាចជាងគេគឺ Jihyo។

៨. មួយដងខ្លួន Jeongyeon ពេញចិត្ត និងជឿជាក់លើជើង និងធ្មេញនាងជាងគេ។

៩. សមាជិក TWICE រូបនេះធ្លាប់បាននិយាយថា បើនាងជាប្រុស នាងនឹងទាក់ទងស្រឡាញ់ Nayeon ព្រោះនាង Cute (ពេលនិយាយក្នុងកម្មវិធី Fansign នៅ Busan) ប៉ុន្តែពេលទៅកម្មវិធី Fansign នៅ Incheon នាងថានឹងជ្រើស Mina។