កាលពីដើមខែមិថុនាកន្លងទៅ LG ប្រកាសបញ្ចប់អាជីវកម្មស្មាតហ្វូន ប៉ុន្ដែនៅផ្នែកផ្សេងទៀត ក្រុមហ៊ុននេះហាក់មិនខ្សោយនោះទេ ដោយទើបបានប្រកាសពីបច្ចេកវិទ្យាថ្មីរបស់ខ្លួន ជាបន្ទះបង្ហាញអាចបត់បាន មានភាពរឹងដូចនឹងកញ្ចក់ តែអាចបត់បែនបានដូចជាផ្លាស្ទិច។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

LG ដាក់ឈ្មោះបន្ទះបង្ហាញមានភាពធន់និងរឹងមាំនេះថា “Real Folding Window”។ វាអាចទ្រទ្រង់ការបត់ចុះបត់ឡើងដល់ទៅ ២០ម៉ឺនដង អាចបត់បានសងខាង និងមិនមានស្នាមផ្នត់ថែមទៀតផង។

លោក Chang Do Ki ជាអនុប្រធាននិងថ្នាក់ដឹកនាំផ្នែកសម្ភារៈកម្រិតខ្ពស់ របស់ LG បាននិយាយថា បន្ទះបង្ហាញនេះ នឹងមានបំពាក់លើស្មានតហ្វូនដំបូង បន្ទាប់មកនឹងប្រើប្រាស់នៅលើឡេបថត និងថែបប្លែតនៅជំហានបន្ទាប់៕

ប្រភព៖ GSMarena   ប្រែ​សម្រួល៖ កុសល