មឿន សុខហ៊ុច អាចឡើងសង្វៀនវិញហើយដោយប៉ះលោកមេទ័ព វ៉ៃតែ២ទឹក

2021-11-05 03:29:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ចាស់វស្សា មឿន សុខហ៊ុច ឬហៅថា អេលីត សុខហ៊ុច ឥលូវនេះបានជាពីរបួស និងអាចឡើងសង្វៀនគុនខ្មែរបានវិញហើយដោយត្រូវប៉ះដៃគូចាស់ សូត្រ ប៊ុនធី ក្នុងកម្មវិធី ONE STRIKE របស់ PNN។

សុខហ៊ុច ប្រកួតកន្លងទៅ

សុខហ៊ុច បានលើកឡើងថា រូបគេអាក់ខានប្រកួតគុនខ្មែរជាង១ឆ្នាំមកហើយ ចំពោះលើកនេះដែរក៏បានហ្វឹកហាត់ត្រៀមខ្លួនបានល្អផងដែរ។ រឿងកម្លាំងស៊ុហ្វ ឬក្បាច់ស្នៀតមិនទាន់អាចនិយាយបានថាល្អដូចមុន ឬធ្លាក់ជាងមុននោះទេចាំមើលឡើងប្រកួតសិន។

អ្នកប្រដាល់ចាស់វស្សាខាងលើបន្ថែមថា ចំពោះស្នៀតគ្រោះថ្នាក់ ឬចំណុចល្អរបស់កីឡាករ សូត្រ ប៊ុនធី គឺល្អចាប់ ល្អកែង និងរឹង។

សុខហ៊ុច ពេលឈ្នះពាននៅ CNC

រំលឹកដែរថា មឿន សុខហ៊ុច គឺអាក់ខានឡើងសង្វៀនគុនខ្មែរជាង១ឆ្នាំមកហើយដោយសារតែរបួសជើង និងបញ្ហាក្រពះពោះវៀន។ សម្រាប់ការប្រកួតនៅថ្ងៃអាទិត្យនេះ សុខហ៊ុច ត្រូវប៉ះ សូត្រ ប៊ុនធី លើសង្វៀន PNN លក្ខណៈ ONE STRIKE ២ទឹក ក្នុង១ទឹកមានរយៈពេល ៧នាទី៕

អត្ថបទ៖ នួន ស៊ីណា