ប្អូនគេប្អូនយើង ចិត្តមិនដាច់ IU បរិច្ចាគលុយផ្ទាល់ជិត ១០ម៉ឺនដុល្លារជួយក្មេងៗក្នុងឱកាសបុណ្យណូអែល
- 2021-12-26 05:00:10
- ចំនួនមតិ 0 | ចំនួនចែករំលែក 0
ប្អូនគេប្អូនយើង ចិត្តមិនដាច់ IU បរិច្ចាគលុយផ្ទាល់ជិត ១០ម៉ឺនដុល្លារជួយក្មេងៗក្នុងឱកាសបុណ្យណូអែល
ចន្លោះមិនឃើញ
ថ្មីៗនេះ វិបសាយ News 1 បានចេញផ្សាយអត្ថបទមួយ ដោយបានបញ្ជាក់ថា IU បានបរិច្ចាគថវិកាផ្ទាល់ចំនួន ១០០លានវ៉ុន (ខ្ទង់ ៨៤ ២៤៣ ដុល្លារ) ជួយដល់មូលនិធិ Green Umbrella Children's Foundation។
បើយោងតាមការចេញផ្សាយព័ត៌មាននៅថ្ងៃទី២៤ ខែធ្នូ ឆ្នាំ២០២១ មូលនិធិ Green Umbrella Children's Foundation បានបង្ហើបថា៖ «ជំនួយឧបត្ថម្ភនេះ នឹងត្រូវយកទៅប្រើប្រាស់សម្រាប់គម្រោង អាហាររូបករណ៍របស់ Dream Tree ដែលជួយគាំទ្រដល់និស្សិតដែលត្រូវចូលសិក្សានៅមហាវិទ្យាល័យ និងជាអ្នកដែលមកពីគ្រួសារមានចំណូលខ្សត់ខ្សោយ ហើយមានជីដូនជីតាជាអ្នកចិញ្ចឹម ក៏ដូចជាក្មេងៗដែលមកពីគ្រួសារមានតែឪពុកម្នាក់ ឬម្តាយម្នាក់»។
គួរដឹងដែរថា ចាប់តាំងពីចូលសិល្បៈមក IU បានជួយឧបត្ថម្ភរាប់មិនអស់ ជួយដល់អ្នកដែលត្រូវការពិតប្រាកដ។ នាងបានក្លាយជា បុគ្គលមានឥទ្ធិពលម្នាកក្នុងវិស័យ ដែលតែងបង្ហាញនូវទស្សនៈល្អៗ និងជួយដល់អ្នកដែលមានវិបត្តិ។
ជាមួយគ្នានោះ គេក៏នៅចាំមិនភ្លេចដែរថា កាលពីខែឧសភា ឆ្នាំនេះ តារាស្រីកើតឆ្នាំ១៩៩៣រូបនេះ បានបរិច្ចាគថវិកាចំនួន ៥០០លានវ៉ុន (ខ្ទង់ ៤២១ ២១៩ដុល្លារ) ដើម្បីអបអរថ្ងៃខួបកំណើតរបស់ខ្លួន ពិសេសក៏ជាចំណែកក្នុងការជួយសង្គមដែរ៕