ឡាន Rolls-Royce ថ្លៃកប់អ៊ីចឹង តែលក់ដាច់បំផុតក្នុងប្រវត្តិសាស្រ្ត ១១៧ឆ្នាំ
- 2022-01-11 09:02:24
- ចំនួនមតិ 0 | ចំនួនចែករំលែក 0
ឡាន Rolls-Royce ថ្លៃកប់អ៊ីចឹង តែលក់ដាច់បំផុតក្នុងប្រវត្តិសាស្រ្ត ១១៧ឆ្នាំ
ចន្លោះមិនឃើញ
ជាលើកដំបូងហើយក្នុងប្រវត្តិសាស្រ្តរបស់ក្រុមហ៊ុនរថយន្តថ្លៃគឺ Rolls-Royce ដែលលក់ដាច់រថយន្តច្រើនបំផុតក្នុងរយៈពេល ១១៧ឆ្នាំ បើទោះបីពិភពលោកកំពុងញាំញីដោយកូវីដ១៩ក្តី។
ក្រុមហ៊ុនរថយន្តប្រណីតអង់គ្លេសនេះ ទើបតែបានប្រកាសអំពីលទ្ធផលនៃការលក់រថយន្តក្នុងឆ្នាំ២០២១ គឺមានចំនួន ៥៥៨៦គ្រឿង ដែលជាតួលេខខ្ពស់បំផុត គិតចាប់តាំងពីការផ្តើមលក់ដំបូង។ ចំនួននេះ គឺខ្ពស់ជាង ៤៩ភាគរយ នៃឆ្នាំ២០២០។
រថយន្ត Rolls-Royce ដែលពេញនិយមបំផុតគឺម៉ូដែល Cullinan និង Ghost។ ទីផ្សារសំខាន់ៗនៃការលក់រថយន្តនេះ រួមមាន ចិន អាមេរិកខាងជើង និងតំបន់អាស៊ីប៉ាស៊ីហ្វិក។
ចំពោះការលក់ដាច់ដ៏សម្បើមនេះ លោក Torsten Muller-Otvos នាយកប្រតិបត្តិក្រុមហ៊ុន Rolls-Royce បានសារភាពថា ឆ្នាំ២០២១ គឺឆ្នាំដ៏តានតឹងសម្រាប់ក្រុមហ៊ុន ប៉ុន្តែលោកបានអបអរសាទរចំពោះការខិតខំប្រឹងប្រែងរបស់ក្រុមការងារ។ កត្តាដែលបានចូលរួមចំណែកក្នុងកំណត់ត្រា គឺជាការចេញលក់រថយន្ត Rolls-Royce Ghost ជំនាន់ថ្មី (Ghost Black Badge)។
លោកបន្តថា ក្រុមហ៊ុនបានប្រកាសចេញរួចមកហើយនូវអគ្គិសនីដំបូងរបស់ខ្លួនម៉ូដែល Spectre គ្រោងចេញលក់នៅអំឡុងឆ្នាំ២០២៣ ដែលវានឹងជួយជំរុញដល់ការលក់បន្ថែមទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
