ពិតជាសាមញ្ញមែន! Angelina Jolie បានដើរទិញវត្ថុអនុស្សាវរីយ៍នៅក្នុងផ្សារទួលទំពូង
- 2022-02-23 14:03:26
- ចំនួនមតិ 0 | ចំនួនចែករំលែក 0
ពិតជាសាមញ្ញមែន! Angelina Jolie បានដើរទិញវត្ថុអនុស្សាវរីយ៍នៅក្នុងផ្សារទួលទំពូង
ចន្លោះមិនឃើញ
កំពូលតារាហូលីវូដ Angelina Jolie បានប្រទះឃើញបានមកធ្វើដំណើរកម្សាន្ត ក៏ដូចជាបានដើរទិញវត្ថុអនុស្សាវរីយ៍នៅក្នុងផ្សារទួលទំពូង នៅរាជធានីភ្នំពេញ នៅក្នុងថ្ងៃទី២៣ ខែកុម្ភៈ ឆ្នាំ២០២២។
វត្តមានរបស់កំពូលតារាសម្ដែងលំដាប់ពិភពលោករូបនេះ បានធ្វើឲ្យអ្នកក្នុងផ្សារទួលទំពូងផ្ទាល់ ក៏ដូចជាអ្នកបានឃើញនៅលើបណ្ដាញសង្គមនានា មានការភ្ញាក់ផ្អើល ស្វាគមន៍ និងកោតសរសើរជាខ្លាំងលើភាពសាមញ្ញរបស់អ្នកស្រី។
នៅក្នុងថ្ងៃនេះអ្នកស្រីមិនត្រឹមតែប្រទះឃើញទៅផ្សារទួលទំពូង នោះទេ ដោយថែមទាំងបានប្រទះឃើញកំពូលតារាសម្ដែងរូបនេះជិះតុកតុក នៅភ្នំពេញផងដែរ។
សូមរំលឹកផងដែរ ការមកដល់របស់អ្នកស្រី Angelina Jolie មកធ្វើការកម្សាន្តនៅកម្ពុជាលើកនេះចាប់តាំងពីថ្ងៃទី២២ ខែកុម្ភៈ ឆ្នាំ២០២២ម្សិលមិញនេះ ដោយបានធ្វើដំណើរទស្សនាក្នុងតំបន់នានាក្នុងខេត្តសៀបរាប ដែលបានធ្វើឲ្យមហាជន ជាពិសេសគឺប្រជាជនកម្ពុជា ដែលបានស្គាល់កំពូលតារាហូលីវូដរូបនេះមានការរំភើបជាខ្លាំងនូវវត្តមានអ្នកស្រី ដែលសុខៗបានធ្វើដំណើរមកកម្ពុជាដោយមិនប្រកាសឲ្យអ្នកគាំទ្របានដឹងមុនក្នុងកំឡុងពេលកូវីដ-១៩នេះ៕
អានបន្ថែម៖ ពិតមែនហើយ! ក្រសួងថា Angelina Jolie មកសៀមរាបលើកនេះ បញ្ជាក់ថាកម្ពុជាជាគោលដៅទេសចរណ៍សុវត្ថិភាព!