ពោះកាន់តែធំជិតគ្រប់ខែទៅហើយ អតីតតារាសម្តែងសិចស៊ី បេនីយ៉ាំង នៅតែលែងខ្លួនបែបសិចស៊ីស្អាតគួរឲ្យស្រលញ់ទៀត រហូតធ្វើអ្នកគាំទ្រគ្រប់គ្នាសរសើរព្រាតតែម្តង។

ក្រោយឃ្លាតឆ្ងាយពីសិល្បៈជាច្រើនឆ្នាំ តារាសម្តែងស្រី អ្នកនាង បេនីយ៉ាំង នៅតែមានការគាំទ្រជាច្រើនពីមហាជន ជាពិសេសថ្មីៗនេះតែម្តង អ្នកគាំទ្ររបស់នាងជាច្រើនបាននាំគ្នាសរសើមិនដាច់ពីមាត់តែម្តង ដោយឃើញនាងបានបង្ហាញរូបរាងយ៉ាងស្រឡូនពេលកំពុងពពោះកូនលើកដំបូង យ៉ាងទាក់ទាញបែបសិចស៊ីដដែលមិនផ្លាស់ប្តូរស្តាយសូម្បីបន្តិចណាឡើយ បើទោះបីជានាង កំពុងពពោះជិតគ្រប់ខែក៏ដោយ។តាមរយៈការតមខមមិនរបស់អ្នកគាំទ្រ បេនីយ៉ាំង បានបញ្ជាក់ថា នាងសម្រាលកូនដំបូងនេះនៅដើមខែកក្កដា ឆ្នាំ២០២២ខាងមុខនេះហើយ។

រម្លឹកផងដែរថា ក្រោយបោះចោលអាជីពសិល្ប បេនីយុំា ស្រវាចាប់យកអាជីវកម្មបើកភោជនីយដ្ឋាន យ៉ាងជោគជ័យ មិនតែប៉ុណ្ណោះនាងក៏ជោគជ័យលើជីវិតគូស្នេហ៍ផងដែរ។ ដោយជារឿយៗ បេនីយុំាង និងគូស្នេហ៍តែងតែបង្ហាញភាពផ្អែមល្ហែមស្អិតល្មួតយ៉ាងមានក្ដីសុខទោះបីជាពួកគេមិនទាន់ចូលរោជ័យក៏ដោយ ហើយរហូតមកដល់ពេលនេះនាង ក៏កាន់តែជោគជ័យលើជីវិតគ្រួសារព្រោះថានាងជិតក្លាយ ជាម្ដាយគេហើយ៕

អត្ថបទ៖ Tep Sovannmoly