រថយន្តទំនើប Jaguar F-PACE ស៊េរីឆ្នាំ២០២២ មកដល់កម្ពុជា ជាមួយបច្ចេកវិទ្យាថ្មី

2022-03-22 06:14:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន អ អិម អេ ខេមបូឌា (RMA Cambodia) ដែលជាក្រុមហ៊ុននាំចូល ផ្តាច់មុខរថយន្ត Jaguar Land Rover បានរៀបចំ «ពិធីសម្ពោធជាផ្លូវការរថយន្តសេរីទំនើប The New Jaguar F-PACE » សេរីឆ្នាំ ២០២២ កាលពីថ្ងៃទី១៨ ខែមីនា ឆ្នាំ២០២២ នៅអគារតាំងបង្ហាញ Jaguar កម្មវិធីនេះធ្វើឡើង ដើម្បីជាការស្វាគមន៍នូវការបើកលក់ជាផ្លូវការនៃរថយន្តដ៏ទំនើបប្រណីត Jaguar F-PACE សេរីចុងក្រោយបង្អស់ ឆ្នាំ២០២២ មកកាន់ប្រទេសកម្ពុជា។

រថយន្តដ៏ទំនើប Jaguar F-PACE សេរីឆ្នាំ២០២២ ជាប្រភេទរថយន្ត SUV និង ស្ព័រ ដែលមានល្បឿនលឿនអនុភាពនៃការបើកបរបានគ្រប់ទីកន្លែងនិងគ្រប់ស្ថានភាពផ្លូវសាកសមបំផុតសម្រាប់គ្រួសារគ្រប់ទំហំ។ Jaguar F-PACE សេរីឆ្នាំ ២០២២ ត្រូវបានរចនាឡើងប្រកបដោយប្រណិតភាព ទាន់សម័យ ដែលចង្កៀងខាងមុខមានរាងជាអក្សរ J ធ្វើឲ្យមានភាពលេចធ្លោ និងទាក់ទាញ ហើយផ្ដល់នូវគុណភាពបំភ្លឺផ្លូវបានយ៉ាងច្បាស់ល្អ។ រីឯ ចង្កៀងខាងក្រោយវិញ ត្រូវបានបំពាក់ដោយ ALL-LED LIGHTING ដែលងាយស្រួលផ្តល់សញ្ញាដល់អ្នកបើកខាងក្រោយបានឃើញ។

ចំពោះការរចនានៃគ្រឿងបរិក្ខារខាងក្នុងវិញ រថយន្តដ៏ទំនើបសេរីចុងក្រោយនេះ ត្រូវបានរៀបចំនិងបំពាក់ដោយគ្រឿងបរិក្ខាដ៏ទំនើបនិងឆ្លាតវៃ ប្រកបដោយភាពស៊ីវិល័យនិងបច្ចេកវិទ្យាទំនើបៗ ដែលផ្ដល់ភាពងាយស្រួលដល់អ្នកបើកបរ និងសុវត្ថិភាព។

លោក ងន សាំង អគ្គនាយកនៃក្រុមហ៊ុន RMA Cambodia បានមានប្រសាសន៍ថា៖ «រថយន្ត The New Jaguar F-PACE 2022 ជារថយន្តទំនើបប្រភេទ SUVខ្នាតមធ្យមដែលមានចំណាត់ថ្នាក់លេខ១ក្នុងពិភពលោក។ ហើយ ខ្ញុំពិតជាមានមោទនភាពណាស់ដែល RMA Cambodia បាននាំចូលរថយន្តនេះ ចូលមកកាន់ប្រទេសកម្ពុជា ដើម្បីបំពេញតម្រូវការរបស់ប្រជាជនក្នុងការប្រើប្រាស់រថយន្តដែលមានគុណភាពខ្ពស់ រឹងមាំជាមួយបច្ចេកវិជ្ជាទំនើបបំផុតទាំងក្នុង និងក្រៅរថយន្ត។ លើសពីនេះ យើងគ្រោងនឹងនាំចូលរថយន្តជាច្រើនគ្រឿងបន្ថែមទៀត ដើម្បីបំពេញតម្រូវការរបស់អតិថិជន»។

លោក ងន សាំង អគ្គនាយកក្រុមហ៊ុន RMA Cambodia

លោកបានបន្ថែមទៀតថា៖ «ខ្ញុំជឿជាក់ថាអតិថិជននឹងទទួលបាននូវបទពិសោធន៍ថ្មី និងរីករាយជាមួយនឹងការប្រើប្រាស់រថយន្តទំនើប The New Jaguar F-PACE 2022 ដែលផ្តល់ការការពារពិសេស និងបច្ចេកវិជ្ជាចុងក្រោយរបស់ក្រុមហ៊ុន JLR Cambodia»។