ពិសេសណាស់! រយៈពេល៣ខែកីឡាករអាចឈ្នះខ្សែក្រវាត់២គ្រឿង ប្រាក់រង្វាន់១ម៉ឺនដុល្លារ

2022-03-27 11:42:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កាន់តែអស្ចារ្យរយៈពេលប្រហែល៣ខែបេក្ខភាពគុនខ្មែរមួយរូបក្នុងចំណោម៨នាក់អាចនឹងឈ្នះខ្សែក្រវាត់គោជល់ដល់ទៅ ២គ្រឿង និងទទួលបានប្រាក់រង្វាន់១ម៉ឺនដុល្លារប្រសិនបើឈ្នះវគ្គផ្ដាច់ព្រ័ត្រទាំង២លើកនោះ។

បេក្ខភាព

លោក មាន សំអុល តំណាងខាងគោជល់បានឲ្យដឹងថា ជើងខ្លាំងទាំងពីរពូលដែលមាន៨នាក់នេះនឹងមានម្នាក់ឈ្នះខ្សែក្រវាត់១គ្រឿងបន្ទាប់ពីឆ្លងកាត់ការប្រកួតជម្រុះក្នុងពូល និងវគ្គផ្ដាច់ព្រ័ត្រ ខណៈប្រាក់រង្វាន់បាន៥០០០ដុល្លារ។

ខ្សែក្រវាត់គោជល់

ចំពោះកីឡាករដែលឈ្នះខ្សែក្រវាត់ពីវគ្គជម្រុះខាងលើនេះហើយគឺបានឡើងទៅវ៉ៃមួយប្រកួតទៀតជាមួយ យ៉េន ឌីណា ដណ្ដើមខ្សែក្រវាត់១គ្រឿងអមដោយប្រាក់រង្វាន់ ៥០០០ដុល្លារជាថ្មីទៀត។ ដូច្នេះបើកីឡាករដែលឈ្នះខ្សែក្រវាត់កាលពីជុំជម្រុះ៨នាក់នោះអាចបន្តយកឈ្នះជាមួយ យ៉េន ឌីណា ទៀតគឺមានន័យថាទទួលបានខ្សែក្រវាត់ដល់ទៅ២គ្រឿងជាមួយប្រាក់រង្វាន់សរុប១ម៉ឺនដុល្លារ។ ការប្រកួតនេះដែរគ្រោងប្រើរយៈពេលប្រហែល៣ខែប៉ុណ្ណោះប្រសិនបើមិនមានអ្វីចៃដន្យកើកឡើងនោះ។

កីឡាករប្រកួតកាលពីថ្ងៃសៅរ៍

រំលឹកដែរថា ខ្សែក្រវាត់ គោជល់កំពូលជើងឯក រដូវកាលទី២ នេះលេងលើប្រភេទទម្ងន់ ៦៣,៥គីឡូក្រាម។ បេក្ខភាពមាន៨រូបចែកចេញជាពីរពូល។ ការប្រកួតនេះចាប់ផ្ដើមពីថ្ងៃទី២ ខែមេសា ២០២២ រៀងរាល់ថ្ងៃសៅរ៍លើសង្វៀន CNC៕