កាលពីប៉ុន្មានឆ្នាំមុន បើយើងចង់បានឡេបថបមួយគ្រឿង ដែលមានកម្លាំងខ្លាំងប្រើឈីប Intel Core i7 បន្ថែមជាមួយនឹងក្រហ្វិកកាតដាច់១ដើមទៀត គឺយើងត្រូវត្រៀមលុយ១ខ្ទាស់ធំទើបអាចទិញបាន។ ផ្ទុយទៅវិញ បច្ចេកវិទ្យាកាន់តែដើរលឿនទៅមុន តម្លៃនៃឧបករណ៍ក៏កាន់តែធូរថ្លៃជាងមុន ជាក់ស្តែងឡេបថបទាំង៣ខាងក្រោមនេះ សុទ្ធតែដំណើរការដោយឈីបកំពូល Intel Core i7 ប៉ុន្តែមានតម្លៃខ្លួនមិនដល់១ពាន់ដុល្លារនោះទេ។ តោះទៅតាមដានទាំងអស់គ្នា៖

១. ACER Nitro 5 Gaming

Acer ជាប្រេនកុំព្យូទ័រការិយាល័យពិតមែន តែតាមពិតក្រុមហ៊ុនក៏មានបញ្ចេញឡេបថប Gaming ជាពីរស៊េរីធំៗគឺ Predator និងស៊េរី Nitro ដែលយើងកំពុងលើកមកនិយាយ។ នេះគឺ Acer Nitro 5 Gaming បំពាក់ដោយ CPU Intel Core i7-11800H 8-Core 16-Thread ដែលមានតម្លៃខ្លួន ៩៩៩ដុល្លារ។ ក្នុងកញ្ចប់តម្លៃប៉ុននេះ អ្នកទទួលបានកុំព្យូទ័រដែលមានគ្រឿងក្នុង៖

• 11th Gen i7-11800H 8-Core 16-Thread
• RAM : 8GB (DDR4)
• ទំហំផ្ទុក : 512GB M.2 PCIe
• អេក្រង់ : 15.6" FHD (1920 x 1080) 144Hz
• VGA 1 : Intel UHD Graphics
• VGA 2 : NVIDIA RTX 3050Ti 4GB
• ក្តារចុច RGB Key, WebCam, NumPad
• Windows 11 License
• ថាមពលថ្ម : 4-Cells 57.5 Wh Lithium Ion
• ទម្ងន់ : ២,១គីឡូក្រាម

២. DELL G15 5511 Gaming

Dell ក៏ជាក្រុមហ៊ុនជំនាញខាងផលិតកុំព្យូទ័រហ្គេមដែរ ដោយជាក់ស្តែងបច្ចុប្បន្នក្រុមហ៊ុននេះកំពុងកាន់កាប់យីហោ Alienwear ដែលគេស្គាល់ថាជាយីហោកុំព្យូទ័រហ្គេមដ៏ល្បី។ ដោយសារ Alieanwear មានតម្លៃថ្លៃ ដូច្នេះហើយ Dell ក៏បានបញ្ចេញស៊េរី G Gaming Laptop ដែលមានតម្លៃធូរជាងច្រើន។ នេះគឺ DELL G15 5511 Gaming មានតម្លៃខ្លួន ៩៩៩ដុល្លារ។ ក្នុងកញ្ចប់តម្លៃប៉ុននេះ អ្នកទទួលបានកុំព្យូទ័រដែលមានគ្រឿងក្នុង៖

• Intel i7-11800H 8-Core 16-Thread
• RAM : 16GB (DDR4)
• ទំហំផ្ទុក : 512GB M.2 PCIe
• អេក្រង់ 15.6 Inch FHD (1920 x 1080) 120Hz
• VGA 1 : Intel® UHD Graphics
• VGA 2 : NVIDIA RTX 3050 4GB
• Windows 11 License
• ថាមពលថ្ម : 3-Cell Battery, 56WHr (Integrated)
• ទម្ងន់ : ១,៩គីឡូក្រាម

៣. MSI GF63 Thin 10SC និយាយពីក្រុមហ៊ុន MSI ម្តង អ្នកលេងហ្គេមប្រាកដជាស្គាល់ច្បាស់ ព្រោះក្រុមហ៊ុននេះភាគច្រើនគឺផលិតគ្រឿងបរិក្ខា និងកុំព្យូទ័រហ្គេមតែម្តង។ នេះគឺ MSI GF63 Thin 10SC មានតម្លៃខ្លួន ៩៩៩ដុល្លារ។ ក្នុងកញ្ចប់តម្លៃប៉ុននេះ អ្នកទទួលបានកុំព្យូទ័រដែលមានគ្រឿងក្នុង៖

• 10th Gen Intel Core i7-10750H
• RAM : 16GB (DDR4)
• ទំហំផ្ទុក : 1TB M.2 PCIe
• អេក្រង់ : 15.6" FHD (1920x1080) IPS 60Hz
• VGA : NVIDIA GTX1650 MAX-Q 4GB
• ក្តារចុចមានភ្លើងពណ៌ក្រហម
• ថាមពលថ្ម: 3-Cell Li-Polymer(51Wh) 7Hrs Up
• Windows 10 License
• ទម្ងន់ : ១,៨គីឡូក្រាម

ឡេបថបខាងលើទាំង៣នេះ ហាក់មានរូបរាង និងកម្លាំងម៉ាស៊ីនផ្តោតខ្លាំងសម្រាប់អ្នកលេងហ្គេមក៏ពិតមែន តែជាក់ស្តែងយើងក៏អាចប្រើវាសម្រាប់ធ្វើការងារធំៗដូចជាកាត់តវីដេអូ ឌីហ្សាញ និងគូរប្លង់បានយ៉ាងសមរម្យ។ ចំពោះតម្លៃខាងលើអាចនឹងប្រែប្រួលទៅតាមហាងនីមួយៗ និងទីផ្សារជាក់ស្តែង ហើយបើគិតថា Spec ខាងក្នុងមិនគ្រប់តម្រូវការ អ្នកក៏អាចថែម RAM, SSD ឬក៏អាចថែមប្រាក់យកម៉ាស៊ីនដែលមានក្រាហ្វិកកាតខ្ពស់ជាងនេះបាន៕

ប្រភព៖ ចន្ត្រាកុំព្យូទ័រ

អត្ថបទ៖ Thea Sothun