ស្មាត់ស្ដាំវ័យក្មេងវិសាខា សឿន ហេង ចូលហ្វឹកហាត់បានតិចៗវិញហើយ
- 2022-04-05 03:27:39
- ចំនួនមតិ 0 | ចំនួនចែករំលែក 0
ស្មាត់ស្ដាំវ័យក្មេងវិសាខា សឿន ហេង ចូលហ្វឹកហាត់បានតិចៗវិញហើយ
ចន្លោះមិនឃើញ
កីឡាករល្អរបស់សមាគមន៍បាល់ទះវិសាខា សឿន ហេង ថ្មីៗនេះបានចូលហ្វឹកហាត់សាំជាមួយក្រុមបានតិចៗវិញហើយ ក្រោយធូរស្រាលពីរបួសគ្រេចនិងខុសគន្លាក់កជើង អំឡុងពេលប្រកួតដណ្ដើមពានរង្វាន់៤ស្មើ Ganzberg Special Volleyball នៅកីឡដ្ឋានព្រីនស៍។
កីឡាករកម្ពស់១,៨៣ម៉ែត្រ កើតនៅឆ្នាំ១៩៩៩ បានប្រាប់ថា ៖«បានធូរច្រើនហើយរបួសកជើង ពេទ្យគេថាថ្លោះនិងខុសគន្លាក់ម៉ាតិច។ ដើរបានធម្មតាវិញហើយ ឥឡូវកំពុងចូលហ្វឹកហាត់សាំៗចលនាតិចៗ»។
ទោះបីជាចូលហ្វឹកហាត់បានខ្លះៗមែន ប៉ុន្តែស្មាត់មានដើមកំណើតមកពីខេត្តព្រៃវែង មិនទាន់ប្រាកដថានឹងជាសះស្បើយនៅពេលណាទេ ខណៈកជើងរបស់គេនាពេលនេះនៅរាងស្រៀវៗ។
គួរបញ្ជាក់ថា សឿន ហេង ជាកីឡាករបាល់ទះដ៏ល្អមួយរូបរបស់ក្លឹបសមាគមន៍បាល់ទះវិសាខា។ គេបានបង្ហាញទម្រង់លេងល្អគួរឱ្យកត់សម្គាល់កាលពីឆ្នាំទៅមិញ ហើយមិនតែប៉ុណ្ណោះគេថែមទាំងឈ្នះពានកីឡាករវាយសេវាល្អជាងគេប្រចាំព្រឹិត្តិការណ៍ Special Volleyball Challenge 2021 ទៀតផង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
