មួយរយៈចុងក្រោយ រូបិយបណ្ណគ្រីបតូ ត្រូវបានចាប់អារម្មណ៍យ៉ាងផុសផុរ ប៉ុន្ដែអ្នកវិនិយោគ ឬអ្នកជួញដូរខ្លះ បែរជាភ្លេច Forex ដែលអាចរកចំណូលបានរាប់សិបដុល្លារក្នុង១ថ្ងៃ ដោយមានត្រឹមទូរសព្ទ១គ្រឿង ឬឡេបថបមួយប៉ុណ្ណោះ។

អ្វីទៅជា Forex? Forex មកពីពាក្យ Foreign Exchange ជាទីផ្សារជួញដូររូបិយបណ្ណអន្តរជាតិ។ វាជាការជួញដូររវាងរូបិយបណ្ណពីរធៀបគ្នា។

ឧទាហរណ៍ លុយដុល្លារអាមេរិចធៀបនឹងលុយអឺរ៉ូ (USD/EUR) ឬមាសធៀបនឹងលុយដុល្លារ (XAU/USD) និងរូបិយបណ្ណ ក៏ដូចជាភាគហ៊ុនជាច្រើនទៀត។

ទីផ្សារ Forex ដំណើរការ ២៤ម៉ោង ក្នុង១ថ្ងៃ និង ៥ថ្ងៃ ក្នុង១សប្ដាហ៍ (ចន្ទ-សុក្រ) ដោយដំណើរការបើកបិទផ្សារឆ្លាស់វេនគ្នារវាងធនាគារធំនៅ ទីក្រុងតូក្យូប្រទេសជប៉ុន ទីក្រុងស៊ីដនីប្រទេសអូស្ត្រាលី ទីក្រុងឡុងប្រទេសអង់គ្លេស និងទីក្រុងញូយ៉កប្រទេសសហរដ្ឋអាមេរិច។

ហើយការជួញដូរដ៏ធំទូទាំងពិភពលោកនេះ ១ថ្ងៃ ជួញដូរស្មើនឹងសាច់ប្រាក់ ៦,៦ទី្រលានដុល្លារ។

គួរបញ្ជាក់ថា Forex ជាទីផ្សារស្របច្បាប់នៅ ប្រទេសកម្ពុជា ត្បិតមានឈ្មួញកម្រៃជើងសារជាច្រើន (broker) បានបើកដំណើរការ និងទទួលបានអាជ្ញាបណ្ណរកពី គណៈកម្មការមូលបត្រកម្ពុជា។

បើអ្នកចាប់អារម្មណ៍ និងចង់រកចំណូលបន្ថែមពី Forex អ្នកអាចទៅសាកសួរ ឈ្មួញកម្រៃជើងសារជាច្រើន នៅក្នុងប្រទេសយើង ហើយពួកគេនឹងប្រឹក្សា ផ្ដល់ចំណេះដឹង និងយុទ្ធសាស្ត្រផ្សេងៗសម្រាប់អ្នកជាមិនខាន៕

អត្ថបទ៖ កុសល