ប្រធាន Getafeថា ភ្នាក់ងាររបស់ Bale បានឲ្យ Bale មកកាន់ក្លឹបរបស់លោក

2022-06-08 13:19:42
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Angel Torres ប្រធានក្លឹប Getafe បាននិយាយទៅកាន់អ្នកកាសែតនៅក្នុងថ្ងៃនេះថា ភ្នាក់ងារកីឡាកររបស់ខ្សែប្រយុទ្ធ Gareth Bale បានផ្ដល់ Bale មកកាន់ក្លឹបលោក។

លោក Torres បាននិយាយថា៖" អ្នកខ្លះគិតថារឿងហ្នឹងជារឿងកំប្លែង តែកាលពី៤៥ ឬ ៥០នាទីមុន ខ្ញុំបាននិយាយជាមួយភ្នាក់ងាររបស់ Bale ហើយគេក៏បានផ្ដល់ Bale ហ្នឹងឲ្យកាន់ក្លឹបយើង។ វាមិនមែនជាលេងសើចទេ "។

លោកបានបន្តថា៖" ខ្ញុំនឹងពិចារណារឿងហ្នឹងជាមួយគ្របង្គោលខ្ញុំ។ ខ្ញុំមិនដឹងថាគេនឹងមកក្លឹបយើងឬក៏អត់ទេ តែច្បាស់ណាស់អាចមានឱកាសកើតឡើងមកយើងមែន។ ពួកគេបានផ្ដល់ Bale មកយើង ហើយខ្ញុំក៏ស្ដាប់យកចិត្តទុកដាក់។ ចាប់ពីពេលនេះ ខ្ញុំនឹងគិតគូរជាមួយគ្រូបង្គោលខ្ញុំ។ អ្វីៗអាចនឹងកើតឡើងចាប់ពីពេលនេះ "។

Bale នឹងចាកចេញពី Real នៅរដូវកាលថ្មីខាងមុខ ក្រោយផ្លាស់មកក្លឹបនេះតាំងពីឆ្នាំ២០១៣មក ដោយចូលរួមលេងបាន ២៥៨ប្រកួត និងស៊ុតចូល១០៦គ្រាប់។ កីឡាករនេះឈ្នះពានតូចធំជាមួយក្លឹបនេះច្រើនឲ្យដោយជាពិសេសគឺពានធំៗដូចជា Champions League ឈ្នះរហូតទៅដល់៥ដង និង La Liga ចំនួន៣ដង៕

ប្រភព៖ Goal អត្ថបទ៖ សេរី មង្គល