Baleថា MLS មិនមែនជាលីគចូលនិវត្តន៍ទេ ខណៈគេនឹងលេងនៅទីនេះក្នុងរយៈពេលយូរ

2022-07-12 12:11:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Gareth Bale បាននិយាយនៅក្នុងសន្និសីទកាសែតប្រកាសក្នុងនាមជាកីឡាកររបស់ក្លឹប Los Angeles កាលពីថ្ងៃច័ន្ទម្សិលមិញនេះថា Major League Soccer (MLS) មិនជាលីគចូលនិវត្តន៍នោះទេ ដោយគេនឹងលេងនៅទីនេះក្នុងរយៈពេលយូរ។

Bale បាននិយាយថា៖" ខ្ញុំមិនមកលេងទីនេះក្នុងរយៈពេលខ្លីនោះទេ។ ខ្ញុំគិតថាមកលេងទីនេះគឺអាចផ្ដល់ឱកាសឲ្យខ្ញុំបានច្រើនដើម្បីបន្តចូលរួមប្រកួតនៅ Euro ហើយយើងមិនដឹងមុនបាននោះទេ ប្រហែលខ្ញុំអាចចូលកម្មវិធីហ្នឹងបានម្ដងទៀត។ នេះជាគោលដៅខ្ញុំ។ ខ្ញុំមកទីនេះគឺដើម្បីចូលរួមចំណែកឲ្យបានច្រើន ហើយខ្ញុំពិតចង់ផ្ដើមមែនទែន "។

កីឡាករនេះបន្តថា៖" ខ្ញុំធ្លាប់មើលការប្រកួតនៅ MLS នេះរហូតមក តែដោយសារតែរវែងម៉ោងខុសគ្នា វាពិបាកតែខ្ញុំនៅព្យាយាមដោយមើលតាមទូរទស្សន៍។ ស្តង់ដារនៅទីនេះគឺកើនឡើងច្រើន វាល្អជាងច្រើនណាស់ ច្រើនជាងអ្វីដែលអ្នកនៅអឺរ៉ុបបានគិត។ លីគកាន់តែល្អប្រសើរ ទីលានកាន់តែធំ និងក្រុមកាន់តែធ្វើឲ្យល្អប្រសើរជាងមុន។ ខ្ញុំមិនឃើញថា MLS ជាលីគចូលនិវត្តន៍នោះទេឥឡូវនេះ។ វាជាលីគទាមទារកាយសម្បទាខ្ពស់។ ក្លឹបនេះជាក្លឹបថ្មីទេ តែវាអារម្មណ៍ថាវាបានកើតឡើងយូរណាស់មកហើយអញ្ចឹង។ ខ្ញុំតៀមជានិច្ចដើម្បីចូលរួមចំណែកជាមួយក្លឹបនេះ "។

Bale បានចុះកុងត្រាមកលេងឲ្យ Los Angeles រយៈពេល១ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៣ខាងមុខ៕