តើពិតឬទេ ដែលល្បីតគ្នាថានេះគឺជាចុងបញ្ចប់នៃមហាកំពែងរបស់ប្រទេសចិន
- 2022-08-19 03:57:08
- ចំនួនមតិ 0 | ចំនួនចែករំលែក 0
តើពិតឬទេ ដែលល្បីតគ្នាថានេះគឺជាចុងបញ្ចប់នៃមហាកំពែងរបស់ប្រទេសចិន
ចន្លោះមិនឃើញ
មហាកំពែងប្រទេសចិន គឺជាអច្ឆរិយវត្ថុដែលត្រូវបានបង្កើតឡើងជាច្រើនជំនាន់រាជវង្សនៅក្នុងប្រទេសចិន។ មានការរកឃើញខ្លះ បានឲ្យដឹងថា មហាកំផែងនេះត្រូវបានសាងសង់តាំងតែពីសតវត្សទី៧មុនគ្រិស្តសករាជមកម្ល៉េះ ពោលគឺមុនជំនាន់រាជវង្សឈីងរបស់អធិរាជ ឈីង សឺហ័ង ទៅទៀត (២២១ -២០៧មុនគ.ស)។
ប្រវែងសរុបនៃមហាកំពែងប្រទេសចិន មានចំនួន ២១ ១៩៦គីឡូម៉ែត្រ។ ប៉ុន្តែមហាកំពែងដែលមានការអភិរក្សបានល្អជាងគេគឺមហាកំពែងដែលសង់នៅក្នុងក្រុងប៉េកាំង នៃជំនាន់រាជវង្សម៉េង ដែលមានប្រវែងប្រមាណ ៨៨៥០គីឡូម៉ែត្រ។
តើមហាកំពែងប្រទេសចិនចាប់ផ្ដើមសង់ពីត្រង់ចំណុចណា ហើយបញ្ចប់នៅឯណា?
មហាកំពែងនេះបានលាតសន្ធឹងពីភាគខាងលិច ទៅភាគខាងកើតប្រទេសចិន ដែលចាប់ផ្ដើមចេញពីទីក្រុង Jiayuguan នៃខេត្ត Gansu មុនគេ។ នៅទីនោះមានការសង់ប៉ម ដែលជាបន្ទាយទាហានយោធាដ៏សំខាន់មួយនៃមហាកំពែង ទុកសម្រាប់ឃ្លាំមើល និងបញ្ជូនព័ត៌មានទ័ព ដើម្បីទប់ទល់នឹងសត្រូវ។ ដោយឡែកបើនិយាយពីផ្នែកបញ្ចប់នៃមហាកំពែងវិញគឺមានការភាន់ច្រឡំជាច្រើនហូរហែកន្លងមក។ មនុស្សមួយចំនួន បានយល់ថា ទីបញ្ចប់នៃមហាកំពែងគឺស្ថិតនៅតំបន់ Shanhaiguan។
យ៉ាងណាមិញ ក្រុមអ្នកបុរាណវិទូ បានរកឃើញថា វាមិនមែនជាផ្នែកបញ្ចប់នៃសំណង់មហាកំពែងពិតប្រាកដនោះឡើយ។ ផ្ទុយទៅវិញ ចុងបំផុតនៃមហាកំពែងមានមូលដ្ឋាននៅតំបន់ Hushan ដែលនៅទីក្រុង Dandong នៃខេត្ត Liaoning។ មហាកំពែងតំបន់ Hushan មានប្រវែងច្រើនជាង ១០០០គីឡូម៉ែត្រទៅភាគខាងកើត ដើម្បីតភ្ជាប់ជាមួយមហាកំពែងតំបន់ Shanhaiguan៕