អ្នកជំនាញពីអត្តពលកម្មពិភពលោក នឹងចំណាយពេលពេញ១ឆ្នាំជួយដល់សហព័ន្ធខ្មែរអត្តពលកម្មកម្ពុជា

2022-09-14 07:23:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោមការឧបត្ថម្ភពីអង្គការសាមគ្គីអូឡាំពិកតាមរយៈគណៈកម្មាធិការជាតិអូឡាំពិកកម្ពុជា ដោយសហការជាមួយស្ថាប័នអត្តពលកម្មពិភពលោក (World Athletics) និងសហព័ន្ធខ្មែរកីឡាអត្តពលកម្មមកជួយរយៈពេលពេញ ១ឆ្នាំដែលមានអ្នកជំនាញមកពីប្រទេសអូទ្រីសដើម្បីពង្រឹងសមត្ថភាពក្រុមកម្ពុជា។

លោក Oliver Scheer

លោក Oliver Scheer អ្នកជំនាញមកពីស្ថាប័នអត្តពលកម្មពិភពលោកបានឲ្យដឹងថា សម្រាប់ជំហានដំបូងនៃការមកលើកទី១នេះគឺលោកបានសង្ខេបនិងវាយតម្លៃចំពោះស្ថានភាពក៏ដូចជាការគ្រប់គ្រងរបស់សហព័ន្ធខ្មែរកីឡាអត្តពលកម្ម។

ទិដ្ឋភាពម្សិលមិញ

ចំពោះគម្រោងរយៈពេល១ឆ្នាំនេះគឺជំហានទី១ នឹងរៀបចំអភិវឌ្ឍន៍ផ្នែកយុទ្ធសាស្ត្រ និងជំហានទី២ ការចុះអនុវត្តន៍ផែនការផ្ទាល់តែម្ដង។ បន្ថែមពីនេះទៀតនោះគឺមានការងារច្រើនដូចជាត្រូវជួបប្រជុំជាមួយមន្ត្រីសហព័ន្ធ លោកគ្រូ អ្នកគ្រូ ធ្វើការវាយតម្លៃចំណុចខ្លាំង ចំណុចខ្សោយ រៀបចំវគ្គបណ្ដុះបណ្ដាលគ្រូបង្គោល និងកិច្ចការមួយចំនួនទៀតដើម្បីឆ្ពោះទៅរកភាពរីកចម្រើនទាំងបច្ចេកទេស សមត្ថភាពជាការត្រៀមចូលរួមនៅស៊ីហ្គេម ឆ្នាំ២០២៣ ខាងមុខដែរ។

លោក Oliver Scheer

បញ្ជាក់ដែរថា គម្រោងនៃការអភិវឌ្ឍន៍របស់អង្គការសាមគ្គីអូឡាំពិកតាមរយៈគណៈកម្មការអូឡាំពិកកម្ពុជា (NOCC) នេះមានរយៈពេល១ឆ្នាំចាប់ពីថ្ងៃទី១ ខែសីហា ឆ្នាំ២០២២ ដល់ថ្ងៃទី៣១ ខែកក្ដដា ឆ្នាំ២០២៣។ ដោយឡែកចំពោះ លោក Oliver Scheer គឺជាអ្នកជំនាញមកពី ស្ថាប័នអត្តពលកម្មពិភពលោក៕

អត្ថបទ៖ នួន ស៊ីណា